ଭୁବନେଶ୍ୱର: ନୂଆ ବର୍ଷରେ ସୁନା କିଣିବାକୁ ପ୍ଲାନ କରୁଛନ୍ତି କି? ତେବେ ଟିକେ ସମ୍ଭାଳି ଯାଆନ୍ତୁ। କାରଣ 2026 ମସିହା ଆରମ୍ଭରୁ ହିଁ ବୁଲିଅନ୍ (Bullion) ମାର୍କେଟରେ ନିଆଁ ଲାଗିଯାଇଛି। ସାଧାରଣ ଲୋକଙ୍କ ହୋସ୍ ଉଡ଼ାଇ ଦେଲା ଭଳି ଖବର ଆସିଛି। ଗୋଟିଏ ଦିନରେ Silver ଦାମ୍ ଏମିତି ବଢିଛି ଯେମିତି କ୍ରିକେଟ୍ ସ୍କୋର ବୋର୍ଡ ଚାଲିଛି।
ଶୁକ୍ରବାର, 2 ଜାନୁଆରୀ 2026 ରେ ମାର୍କେଟ ଖୋଲୁ ଖୋଲୁ Gold ଏବଂ Silver ଦାମ୍ ଆକାଶଛୁଆଁ ହୋଇଯାଇଛି। ରିପୋର୍ଟ ଅନୁସାରେ, Silver ଦାମ୍ ହଠାତ୍ 9000 ଟଙ୍କା ବଢିଯାଇଛି। MCX ରେ Silver ବର୍ତ୍ତମାନ 1 କିଲୋ ପ୍ରତି ପାଖାପାଖି 2.42 ଲକ୍ଷ ଟଙ୍କାରେ ପହଞ୍ଚିଛି। ଖାଲି ସେତିକି ନୁହେଁ, Gold ଦାମ୍ ମଧ୍ୟ ପଛରେ ନାହିଁ। 10 ଗ୍ରାମ Gold ର ଦାମ୍ 1.36 ଲକ୍ଷ ଟଙ୍କା ଛୁଇଁଛି।
ଏହି ଅଚାନକ ଦର ବୃଦ୍ଧି ପଛରେ ଅନ୍ତର୍ଜାତୀୟ କାରଣ ରହିଛି। ଆମେରିକାରେ ଡଲାର (Dollar) କମଜୋର ହେବା ଏବଂ US Federal Reserve ସୁଧ ହାର କମାଇବା ନେଇ ଚର୍ଚ୍ଚା ଜୋର୍ ଧରିଛି। ଏହା ସହିତ ଇଣ୍ଡଷ୍ଟ୍ରିଆଲ୍ ଡିମାଣ୍ଡ, ବିଶେଷ କରି ଇଲେକ୍ଟ୍ରିକ୍ ଭେହିକିଲ୍ (EV) ଏବଂ ସୋଲାର ପ୍ୟାନେଲ ତିଆରିରେ Silver ର ବ୍ୟବହାର ବଢୁଥିବାରୁ ଏହାର ଦାମ୍ ହୁ ହୁ ହୋଇ ବଢୁଛି।
ଏକ୍ସପର୍ଟମାନେ କହୁଛନ୍ତି, 2026 ରେ Gold ଅପେକ୍ଷା Silver ଅଧିକ ରିଟର୍ଣ୍ଣ ଦେଇପାରେ। ଯଦି ଆପଣ ଇନଭେଷ୍ଟମେଣ୍ଟ (Investment) ପାଇଁ ଭାବୁଛନ୍ତି, ତେବେ ଏହା ଭଲ ସମୟ ହୋଇପାରେ, କିନ୍ତୁ ଗହଣା କିଣିବାକୁ ଚାହୁଁଥିବା ମଧ୍ୟବିତ୍ତ ପରିବାରଙ୍କ ପାଇଁ ଏହା ବଡ଼ ଝଟକା। ବିବାହ ଋତୁ ପୂର୍ବରୁ ଏଭଳି ଦର ବୃଦ୍ଧି ଗ୍ରାହକଙ୍କ ଚିନ୍ତା ବଢାଇ ଦେଇଛି।
