ନୂଆଦିଲ୍ଲୀ: ଆମେରିକାରୁ ଆସିଲା ବଡ଼ ଝଟକା। ଡୋନାଲ୍ଡ ଟ୍ରମ୍ପଙ୍କ ନୂଆ ନିୟମ ଭାରତୀୟ ବଜାରରେ ଭୟର ବାତାବରଣ ସୃଷ୍ଟି କରିଛି। ସିଧାସଳଖ 50 % ଇମ୍ପୋର୍ଟ ଟାରିଫ୍ ଲଗାଇ ଭାରତର ଅର୍ଥନୀତିକୁ ଦୋହଲାଇବାକୁ ଚେଷ୍ଟା କରାଯାଇଛି। କିନ୍ତୁ ଭାରତ ଏଥର ଚୁପ୍ ବସିନି କିମ୍ବା ପାଲଟା ଜବାବରେ ଝଗଡ଼ା କରିନି। ବରଂ ଚୁପଚାପ୍ ଖେଳିଛି ଏମିତି ଏକ ଚାଲ୍, ଯାହା ଆମେରିକାର ସବୁ ପ୍ଲାନ୍ ଫେଲ୍ କରିଦେବ।
ପୂରା ଘଟଣା କ’ଣ?
ଆମେରିକା ନିଜର ‘ଆମେରିକା ଫାଷ୍ଟ’ ପଲିସି ଅନୁସାରେ ଭାରତୀୟ ସାମଗ୍ରୀ ଉପରେ ଭାରୀ ଟ୍ୟାକ୍ସ ଲଗାଇଛି। ଏହାର ସିଧା ପ୍ରଭାବ ଟେକ୍ସଟାଇଲ୍, ଜେମ୍ସ ଆଣ୍ଡ ଜୁଏଲାରୀ ଏବଂ ଅଟୋ ପାର୍ଟସ୍ ଉପରେ ପଡିବ। ବିଶେଷଜ୍ଞଙ୍କ କହିବା କଥା, ଏହାଦ୍ୱାରା ଭାରତର GDP 0.5 % ପର୍ଯ୍ୟନ୍ତ କମିପାରେ। କିନ୍ତୁ ଏହାର ମୁକାବିଲା ପାଇଁ ମୋଦୀ ସରକାର ‘ଫାଷ୍ଟ ଟ୍ରାକ୍ ରିଫର୍ମ’ ମୋଡକୁ ଆସିଯାଇଛନ୍ତି।
ଭାରତର 4 ଟି ବଡ଼ ହତିଆର :
- ନ୍ୟୁକ୍ଲିୟର ପାୱାରରେ ପ୍ରାଇଭେଟ୍ ଏଣ୍ଟ୍ରି : ସରକାର ଡିସେମ୍ବର ମାସରେ ଏକ ନୂଆ ବିଲ୍ ପାସ୍ କରିଛନ୍ତି। ଏବେ ନ୍ୟୁକ୍ଲିୟର ଏନର୍ଜି ସେକ୍ଟରରେ ପ୍ରାଇଭେଟ୍ କମ୍ପାନୀ ଏବଂ ବିଦେଶୀ କମ୍ପାନୀମାନେ ପଇସା ଲଗାଇ ପାରିବେ। ଏହାଦ୍ୱାରା ବିଜୁଳି ଶସ୍ତା ହେବ ଏବଂ ଫ୍ୟାକ୍ଟ୍ରି ଗୁଡିକ କମ୍ ଖର୍ଚ୍ଚରେ ଜିନିଷ ତିଆରି କରିପାରିବେ।
- ଇନ୍ସୁରାନ୍ସରେ 100 % FDI : ପୂର୍ବରୁ ବିଦେଶୀ କମ୍ପାନୀମାନେ ଇନ୍ସୁରାନ୍ସ ସେକ୍ଟରରେ କେବଳ 74 % ପର୍ଯ୍ୟନ୍ତ ନିବେଶ କରିପାରୁଥିଲେ। ଏବେ ଏହାକୁ ବଢାଇ 100 % କରିଦିଆଯାଇଛି। ଫଳରେ ବାହାର ଦେଶରୁ ପ୍ରଚୁର ଟଙ୍କା (Long Term Capital) ଭାରତକୁ ଆସିବ।
- ନିୟମ ହେଲା ସରଳ : ବ୍ୟବସାୟ କରିବା ପାଇଁ ଥିବା ହଜାରେ ରକମର ଆଇନକୁ ହଟାଇ ସରକାର ‘ୟୁନିଫାଏଡ୍ ସିକ୍ୟୁରିଟିଜ୍ ମାର୍କେଟ୍ କୋଡ୍’ ଆଣିଛନ୍ତି। ଏହାଦ୍ୱାରା ବିଦେଶୀ ଇନଭେଷ୍ଟରମାନେ ଭାରତରେ ବିନା ଟେନ୍ସନରେ ବିଜନେସ୍ କରିପାରିବେ।
- ନୂଆ ବନ୍ଧୁ, ନୂଆ ବଜାର : ଆମେରିକା ଉପରେ ନିର୍ଭର ନ ରହି ଭାରତ ଏବେ ଓମାନ, ୟୁକେ ଏବଂ ୟୁରୋପିୟାନ୍ ୟୁନିୟନ୍ ସହ ‘ଫ୍ରୀ ଟ୍ରେଡ୍ ଏଗ୍ରିମେଣ୍ଟ’ (FTA) କରୁଛି। ଟ୍ରମ୍ପ ଯଦି କବାଟ ବନ୍ଦ କରିବେ, ତେବେ ଭାରତ ଅନ୍ୟ 10 ଟି ଦେଶ ସହ ବ୍ୟବସାୟ ବଢାଇବ।
ଏହା ଏକ ଲମ୍ବା ଲଢେଇ। ଯଦି ଏହି ସବୁ ରିଫର୍ମ ଠିକ୍ ସମୟରେ ଲାଗୁ ହୋଇଗଲା, ତେବେ 5 ଟ୍ରିଲିୟନ୍ ଇକୋନୋମିର ସ୍ୱପ୍ନକୁ କେହି ଅଟକାଇ ପାରିବେ ନାହିଁ।
