ଭୁବନେଶ୍ୱର: ବାହାରେ ୪୦ ଡିଗ୍ରୀ ଉପରେ ଖରା। ଦେହ ପୋଡ଼ୁଛି, ଆଉ ତା’ ସାଙ୍ଗକୁ ପେଟ ବି କଲବଲ କରୁଛି। କିଛି ଖାଇଲେ ହଜମ ହେଉନି କି ଭୋକ ଲାଗୁନି। ଖରା ଦିନେ ଏହି ‘ସ୍ଲଗିସ ଡାଇଜେସନ’ ବା ମାନ୍ଦା ହଜମ ପ୍ରକ୍ରିୟା ସମସ୍ତଙ୍କ ପାଇଁ ଏକ ବଡ଼ ଟେନସନ। ଏମିତି ସମୟରେ ରୋଷେଇ ଘରର ଦୁଇଟି ଜିନିଷ ‘ପୁଦିନା’ ଓ ‘ଧନିଆ’ ମଧ୍ୟରେ ଯୁଦ୍ଧ ଚାଲିଥାଏ। କିନ୍ତୁ ପ୍ରଶ୍ନ ଉଠୁଛି, ଆପଣଙ୍କ ପେଟ ପାଇଁ କିଏ ଅଧିକ ପାୱାରଫୁଲ?
ଖରା ଦିନେ ଆମର ମେଟାବୋଲିଜିମ ସ୍ଲୋ ହୋଇଯାଏ, ଯାହା ଫଳରେ ଗ୍ୟାସ ଓ ବ୍ଲୋଟିଂ ପରି ସମସ୍ୟା ଦେଖାଦିଏ। ଏହି ସମୟରେ ପୁଦିନା ଓ ଧନିଆ ମଧ୍ୟରୁ କାହାକୁ ବାଛିବେ, ତାକୁ ନେଇ ଅନେକ କନଫ୍ୟୁଜନ ରହିଥାଏ।
ପୁଦିନାର ମ୍ୟାଜିକ: ପୁଦିନା ହେଉଛି ଖରା ଦିନର ସୁପରହୀରୋ। ଏଥିରେ ଥିବା ‘ମେନ୍ଥଲ’ ପେଟକୁ ତୁରନ୍ତ ଥଣ୍ଡା କରିଦିଏ। ଯଦି ଆପଣଙ୍କର ଗ୍ୟାସ ବା ବ୍ଲୋଟିଂ ସମସ୍ୟା ଅଛି, ତେବେ ପୁଦିନା ଠାରୁ ଭଲ ମେଡିସିନ ଆଉ କିଛି ନାହିଁ। ଏହା ପେଟର ମାଂସପେଶୀକୁ ରିଲାକ୍ସ କରେ ଓ ଖାଦ୍ୟକୁ ସହଜରେ ହଜମ କରିବାରେ ସାହାଯ୍ୟ କରେ। ଏହା କେବଳ ଥଣ୍ଡା କରେନି, ବରଂ ପେଟରେ ହେଉଥିବା ଯନ୍ତ୍ରଣାରୁ ବି ମୁକ୍ତି ଦିଏ।
ଧନିଆର ପାୱାର: ଅନ୍ୟପଟେ ଧନିଆ ହେଉଛି ଫାଇବରର ଗନ୍ତାଘର। ଏଥିରେ ଥିବା ଏନଜାଇମ ଗୁଡ଼ିକ ଖାଦ୍ୟକୁ ଭାଙ୍ଗିବାରେ ସାହାଯ୍ୟ କରିଥାଏ। ଯଦି ଆପଣଙ୍କର ଏସିଡିଟି ବା ପେଟ ଜଳାପୋଡ଼ା ହେଉଛି, ତେବେ ଧନିଆ ପତ୍ର ହେଉଛି ବେଷ୍ଟ ଅପସନ। ଏହା ଶରୀରକୁ ଡିଟକ୍ସ କରିବାରେ ବି ସିଦ୍ଧହସ୍ତ। ଏହା ଶରୀରରୁ ବାଜେ ଜିନିଷ ବାହାର କରି ପେଟକୁ ସଫା ରଖେ।
କିଏ ଜିତିବ ଏହି ଲଢ଼େଇ? ଏକ୍ସପର୍ଟଙ୍କ ମତରେ, ଉଭୟଙ୍କର ନିଜ ନିଜର ଫାଇଦା ରହିଛି। କିନ୍ତୁ ଯଦି ଆପଣ ତୁରନ୍ତ ରିଲିଫ ଚାହୁଁଛନ୍ତି, ତେବେ ପୁଦିନା ହେଉଛି ୱିନର। ଏହା ଇନଷ୍ଟାଣ୍ଟ କୁଲିଂ ଇଫେକ୍ଟ ଦେଇଥାଏ। ଅନ୍ୟପଟେ ଧନିଆ ହେଉଛି ଲଙ୍ଗ-ଟର୍ମ ଗୁଟ୍ ହେଲଥ ପାଇଁ ସବୁଠୁ ଭଲ।
ତେଣୁ ଡେରି ନକରି ଏହି ସିଜନରେ ନିଜ ଡାଏଟରେ ୧ କପ୍ ପୁଦିନା କିମ୍ବା ଧନିଆର ଜୁସ୍ କିମ୍ବା ଚଟଣି ସାମିଲ କରନ୍ତୁ। ଦେଖିବେ, ଖରା ଯେତେ ହେଲେ ବି ଆପଣଙ୍କ ପେଟ ରହିବ ବିଲକୁଲ ଫ୍ରେସ।
