ଚାରିଆଡେ ଖାଲି ଗେରୁଆ ରଙ୍ଗ ଆଉ ବାଣ ଫୁଟିବାର ଶବ୍ଦ। ଗୁଜରାଟର ରାସ୍ତାଘାଟରେ ଏବେ କେବଳ ଗୋଟିଏ ପାର୍ଟିର ନାଁ ହିଁ ଗୁଞ୍ଜରିତ ହେଉଛି। ଅନ୍ୟପଟେ ବିରୋଧୀଙ୍କ କ୍ୟାମ୍ପରେ ପୁରା ଶ୍ମଶାନର ନିରବତା ଛାଇ ଯାଇଛି। ଲାଗୁଛି ଯେମିତି ବିରୋଧୀ ନେତାମାନେ ନିଜର ରେଜଲ୍ଟ ଦେଖି ଘରୁ ବାହାରିବାକୁ ବି ଡରୁଛନ୍ତି। ଏହି ହାଇ-ଭୋଲଟେଜ୍ ଲୋକାଲ ବଡି ଇଲେକ୍ସନର ଫାଇନାଲ୍ ରେଜଲ୍ଟ ସାମ୍ନାକୁ ଆସିବା ପରେ ସମସ୍ତେ ପୁରା ତାଜୁବ୍ ହୋଇଯାଇଛନ୍ତି।
ଗୁଜରାଟରେ ଥିବା ସମସ୍ତ 15 ଟି ମ୍ୟୁନିସିପାଲ୍ କର୍ପୋରେସନକୁ ଏବେ ବିଜେପି ନିଜ କବଜାକୁ ନେଇଯାଇଛି। ବିରୋଧୀଙ୍କୁ ପୁରା ମାତ୍ ଦେଇ ବିଜେପି ନେତାମାନେ ଏକ ବମ୍ପର୍ ଭିକ୍ଟ୍ରି ହାସଲ କରିଛନ୍ତି। କେବଳ ଅହମ୍ମଦାବାଦ କଥା ଯଦି କହିବା, ତେବେ ମୋଟ 192 ଟି ସିଟ୍ ରୁ ବିଜେପି ଏକା 146 ଟି ସିଟ୍ ଜିତି ନେଇଛି। ଆଉ କଂଗ୍ରେସର ହାଲତ୍ ଏତେ ଖରାପ ଯେ, ତାଙ୍କୁ ମିଳିଛି ମାତ୍ର 18 ଟି ସିଟ୍।
ଏହି ଇଲେକ୍ସନରେ ସବୁଠୁ ବଡ଼ ଝଟକା ଲାଗିଛି ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି ବା ଆପ୍ (AAP) କୁ। ସୁରଟରେ ଗଲା ଥର ଆପ୍ 27 ଟି ସିଟ୍ ଜିତି ପୁରା ଇଲେକ୍ସନ୍ ମାହୋଲକୁ ଗରମ୍ କରିଦେଇଥିଲା। ହେଲେ ଏଥର ଆପ୍ ର ମ୍ୟାଜିକ୍ ଆଉ କାମ କଲାନି। ଆପ୍ କୁ ଏଥର ମାତ୍ର 4 ଟି ସିଟ୍ ରେ ହିଁ ସନ୍ତୁଷ୍ଟ ହେବାକୁ ପଡିଛି। ଆଉ ଏଠାରେ ବିଜେପି 115 ଟି ସିଟ୍ ଜିତି ପୁରା କ୍ଲିନ୍ ସୁଇପ୍ କରିଛି। ସେହିପରି ରାଜକୋଟ୍ ଆଉ ଭଦୋଦରାରେ ମଧ୍ୟ ସେମାନେ 65 ଟି ଲେଖାଏଁ ସିଟ୍ ଜିତି ନେଇଛନ୍ତି।
ଏହି ବଡ଼ ସଫଳତା ପରେ ଆଜି ରାତିରେ ଅହମ୍ମଦାବାଦରେ ଏକ ଗ୍ରାଣ୍ଡ ‘ବିଜୟୋତ୍ସବ’ ପାଳନ କରିବାକୁ ଜୋରଦାର ପ୍ଲାନିଂ ଚାଲିଛି। ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ୍, ଡେପୁଟି ସିଏମ୍ ହର୍ଷ ସାଂଘଭୀ ଆଉ ଷ୍ଟେଟ୍ ବିଜେପି ପ୍ରେସିଡେଣ୍ଟ ଜଗଦୀଶ ବିଶ୍ୱକର୍ମା ଏହି ସେଲିବ୍ରେସନରେ ସାମିଲ ହେବେ। ‘ଡବଲ୍ ଇଞ୍ଜିନ୍’ ସରକାର ଉପରେ ଲୋକଙ୍କର ପୁରା ଭରସା ଅଛି ବୋଲି ପାର୍ଟିର ସିନିୟର ନେତାମାନେ ଛାତି ଠୋକି କହିଛନ୍ତି।
