ଭୁବନେଶ୍ୱର: ଓଡ଼ିଶାର ଗାଁ ଗଣ୍ଡାରୁ ସହର ବଜାର, ଯୁବପିଢୀଙ୍କ ପ୍ରଥମ ପସନ୍ଦ କହିଲେ ଗୋଟିଏ ନାଁ ଆସେ—’ପଲସର’। କିନ୍ତୁ ଗତ କିଛି ଦିନ ହେବ ବଜାରରେ ଟିଭିଏସ୍ ରାଇଡର୍ (TVS Raider) ଏବଂ ହିରୋ ଏକ୍ସଟ୍ରିମ୍ (Hero Xtreme 125R) ଭଳି ଗାଡ଼ି ପଲସରର ମାର୍କେଟ୍ ଖରାପ କରୁଥିଲେ। କାରଣ ଏହି ଗାଡ଼ି ଗୁଡ଼ିକରେ ମିଳୁଥିଲା ନୂଆ ଫିଚର୍, ଯାହା ପୁରୁଣା ପଲସରରେ ନଥିଲା। ଏବେ କିନ୍ତୁ ବାଜାଜ୍ (Bajaj) ନିଦରୁ ଉଠିଛି ଏବଂ ଆଣୁଛି ଏକ ଦମଦାର ଅପଡେଟ୍।
କ’ଣ ରହିବ ନୂଆ?
ବାଜାଜ୍ କମ୍ପାନୀ 2026 ମସିହାରେ ପଲସର ବ୍ରାଣ୍ଡର 25 ବର୍ଷ ପୂର୍ତ୍ତି ପାଳନ କରିବାକୁ ଯାଉଛି। ଏହି ଖୁସିରେ କମ୍ପାନୀ ‘ପଲସର 125’ (Pulsar 125) ର ଏକ ସମ୍ପୂର୍ଣ୍ଣ ନୂଆ ‘ସ୍ପୋର୍ଟି ଅବତାର’ ଲଞ୍ଚ କରିବ। ଖବର ଅନୁସାରେ, ଏଥିରେ ଏବେ ସାଧାରଣ ମିଟର ବଦଳରେ ଲାଗିବ ପ୍ରିମିୟମ୍ ‘ଟିଏଫଟି କନସୋଲ୍’ (TFT Console)। ମାନେ ଏବେ ଗାଡ଼ିର ମିଟର ଦେଖିବାକୁ ପୂରା ସ୍ମାର୍ଟଫୋନ୍ ଭଳି ଲାଗିବ। ଏଥିସହ ବ୍ଲୁ-ଟୁଥ୍ କନେକ୍ଟିଭିଟି ଭଳି ଆଡଭାନ୍ସ ଫିଚର୍ ମଧ୍ୟ ମିଳିବ, ଯାହା ପିଲାଙ୍କୁ ଖୁବ୍ ପସନ୍ଦ ଆସିବ।
ଇଞ୍ଜିନ୍ ଓ ପାୱାର୍
ଯଦିଓ ଗାଡ଼ିର ଲୁକ୍ ବଦଳିବ, କିନ୍ତୁ ଇଞ୍ଜିନ୍ ସେହି ପୁରୁଣା ଭରସାଯୋଗ୍ୟ 124.4 cc ର ରହିପାରେ। ଏହା 11.8 PS ପାୱାର୍ ଏବଂ 10.8 Nm ର ଟର୍କ ଜେନେରେଟ୍ କରିବ। କିନ୍ତୁ ଗାଡ଼ିର ଡିଜାଇନ୍ ଏମିତି ହେବ ଯେ, ଏହା ରାସ୍ତାରେ ଗଲେ ଲୋକେ ଥରେ ବୁଲି ଚାହିଁବେ।
କେବେ ଆସିବ ଆଉ ଦାମ୍ କେତେ?
ବାଜାଜ୍ ପକ୍ଷରୁ ମିଳିଥିବା ସୂଚନା ମୁତାବକ, ଏହି ନୂଆ ବାଇକ୍ 2026 ଆରମ୍ଭରେ ବା ଡିସେମ୍ବର 2025 ଶେଷ ଆଡକୁ ଶୋ’ରୁମ୍ କୁ ଆସିପାରେ। ଏହାର ଦାମ୍ ପାଖାପାଖି 93,798 ଟଙ୍କା (ଏକ୍ସ-ଶୋ’ରୁମ୍) ରହିବାର ସମ୍ଭାବନା ଅଛି। ତେବେ ଯେଉଁମାନେ ନୂଆ ବାଇକ୍ କିଣିବାକୁ ପ୍ଲାନ୍ କରୁଛନ୍ତି, ସେମାନେ ଆଉ ଟିକେ ଅପେକ୍ଷା କଲେ ଭଲ।
