ତେହେରାନ: ମଧ୍ୟ ପ୍ରାଚ୍ୟରେ ଯୁଦ୍ଧର ନିଆଁ ଏବେ ଆହୁରି ଜଳିବାରେ ଲାଗିଛି। ଲାଗୁଛି ଯେମିତି କେହି କାହାକୁ ଛାଡ଼ିବା ମୁଡ୍ରେ ନାହାନ୍ତି। ଇସ୍ରାଏଲ ଓ ଇରାନ ଭିତରେ ଚାଲିଥିବା ଏହି ଲଢ଼େଇ ଏବେ ଏକ ଭୟଙ୍କର ମୋଡ଼ ନେଇଛି। ଏହାରି ଭିତରେ ଇରାନ ଏମିତି ଏକ ଶପଥ ନେଇଛି, ଯାହା ପୁରା ଦୁନିଆରେ ହଇଚଇ ସୃଷ୍ଟି କରିଛି।
ଇରାନର ସବୁଠାରୁ ଶକ୍ତିଶାଳୀ ଫୋର୍ସ ‘ଇରାନିଆନ ରିଭୋଲ୍ୟୁସନାରୀ ଗାର୍ଡସ୍’ (IRGC) ର ମୁଖ୍ୟ ହୋସେନ ସଲାମି ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁଙ୍କୁ ସିଧା ସଳଖ ମୃତ୍ୟୁ ଧମକ ଦେଇଛନ୍ତି। ସେ କହିଛନ୍ତି ଯେ, ନେତନ୍ୟାହୁ ଏବେ ସେମାନଙ୍କର ମେନ ‘ଟାର୍ଗେଟ’। ତାଙ୍କୁ ଖୋଜି ବାହାର କରାଯିବ ଏବଂ ହତ୍ୟା କରାଯିବ। ଇରାନ ଏହି ମିଶନ ପାଇଁ ପୁରା ପ୍ରସ୍ତୁତ ଅଛି ବୋଲି ସେ ଖୋଲାଖୋଲି କହିଛନ୍ତି।
ସଲାମିଙ୍କ କହିବା କଥା ହେଲା, ଇସ୍ରାଏଲ ଯେଉଁ ସବୁ ଭୁଲ କରୁଛି ତାର ପରିଣାମ ତାଙ୍କୁ ଭୋଗିବାକୁ ପଡ଼ିବ। ସେ ଏହା ମଧ୍ୟ କହିଛନ୍ତି ଯେ, ନେତନ୍ୟାହୁ ଯେତେ ବଡ଼ ‘ବଙ୍କର’ ଭିତରେ ଲୁଚିକି ରହିଲେ ବି ଇରାନର ହାତରୁ ବଞ୍ଚିପାରିବେ ନାହିଁ। ତାଙ୍କୁ କୌଣସି ବି ସ୍ପଟ୍ରେ ଖୋଜି ମାରିବାକୁ ଇରାନର କମାଣ୍ଡରମାନେ ଶପଥ ନେଇଛନ୍ତି।
ଏହି ବୟାନ ପରେ ଇସ୍ରାଏଲ ଏବଂ ଇରାନ ମଧ୍ୟରେ ‘ଟେନସନ’ ଡବଲ ହୋଇଯାଇଛି। ସାରା ଦୁନିଆର ନଜର ଏବେ ଏହି ଦୁଇ ଦେଶ ଉପରେ। ଇସ୍ରାଏଲ ପକ୍ଷରୁ ଏଯାଏଁ କୌଣସି ଅଫିସିଆଲ ‘ରିଆକ୍ସନ’ ଆସିନାହିଁ, କିନ୍ତୁ ସେଠାରେ ସିକ୍ୟୁରିଟିକୁ ହାଇ-ଆଲର୍ଟରେ ରଖାଯାଇଛି। ଲାଗୁଛି ଯେମିତି ପଶ୍ଚିମ ଏସିଆରେ ଏବେ ଏକ ବଡ଼ ଧରଣର ବିସ୍ଫୋରଣ ହେବାକୁ ଯାଉଛି। ଇରାନର ଏହି ଓପନ ଚ୍ୟାଲେଞ୍ଜ ପରେ ଏବେ ନେତନ୍ୟାହୁଙ୍କ ପରବର୍ତ୍ତୀ ପଦକ୍ଷେପ କଣ ହେବ, ତାହା ଦେଖିବାକୁ ବାକି ରହିଲା।
