ୱାଶିଂଟନ୍: ଚାରିଆଡ଼େ ନିଆଁର ଧୂଆଁ, ଆକାଶରେ ଫାଇଟର ଜେଟ୍ର ଗର୍ଜନ ଆଉ ଲୋକଙ୍କ ମନରେ ମୃତ୍ୟୁର ଭୟ। ଇରାନ ଏବଂ USA ମଧ୍ୟରେ ଯୁଦ୍ଧ ଏବେ ଏମିତି ଏକ ମୋଡ଼ରେ ପହଞ୍ଚିଛି, ଯାହା ପୂରା ଦୁନିଆକୁ ଥରାଇ ଦେଇଛି। ଏହାରି ଭିତରେ ଆମେରିକା ପ୍ରେସିଡେଣ୍ଟ Donald Trump ଏମିତି ଏକ ବୟାନ ଦେଇଛନ୍ତି, ଯାହା ଶୁଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ଇରାନର ସବୁଠୁ ବଡ଼ ଅଏଲ୍ ହବ୍ ‘ଖାର୍ଗ ଆଇଲ୍ୟାଣ୍ଡ’ (Kharg Island) ଉପରେ ପୁଣି ଥରେ ଆଟାକ କରିବାକୁ ଟ୍ରମ୍ପ ଧମକ ଦେଇଛନ୍ତି। ସବୁଠୁ ବଡ଼ କଥା ହେଉଛି, ଏହି ଆଟାକ କୁଆଡ଼େ ସେ କେବଳ ‘ମଜା’ (Just for Fun) ପାଇଁ କରିପାରନ୍ତି ବୋଲି କହିଛନ୍ତି।
ପୁରା ଖାର୍ଗ ଆଇଲ୍ୟାଣ୍ଡ ଛାରଖାର ଟ୍ରମ୍ପ କହିଛନ୍ତି କି, ଆମେରିକା ଆଟାକରେ ଖାର୍ଗ ଆଇଲ୍ୟାଣ୍ଡର ମିଲିଟାରୀ ବେସ୍ଗୁଡ଼ିକ ସମ୍ପୂର୍ଣ୍ଣ ଭାବେ ଧ୍ୱଂସ ହୋଇଯାଇଛି। ଇରାନର ଏହି ‘କ୍ରାଉନ ଜୁଏଲ’ ବା ରତ୍ନ କୁହାଯାଉଥିବା ଦ୍ୱୀପକୁ ଆମେରିକା ସେନା ପୁରା ‘ଡେମୋଲିସ’ କରିଦେଇଛି। ଯଦି ଇରାନ ନିଜ ଜିଦ୍ରୁ ନଓହରେ, ତେବେ ସେଠାରେ ଥିବା ଅଏଲ୍ ଇନଫ୍ରାଷ୍ଟ୍ରକ୍ଚରକୁ ମଧ୍ୟ ଉଡ଼ାଇ ଦିଆଯିବ।
ମଜା ପାଇଁ ହେବ ଷ୍ଟ୍ରାଇକ୍? NBC News କୁ ଦେଇଥିବା ଏକ ଇଣ୍ଟରଭ୍ୟୁରେ ଟ୍ରମ୍ପ କହିଛନ୍ତି, “ଆମେ ହୁଏତ ସେଠାରେ ଆଉ କିଛି ଥର ଆଟାକ କରିବୁ, କେବଳ ଟିକେ ମଜା ପାଇଁ (Just for fun)।” ତାଙ୍କର ଏହି କଥା ଏବେ ସୋସିଆଲ ମିଡିଆରେ ନିଆଁ ଭଳି ବ୍ୟାପିବାରେ ଲାଗିଛି। ଲୋକେ କହୁଛନ୍ତି, ଯୁଦ୍ଧ ଭଳି ଏକ ସମ୍ବେଦନଶୀଳ ବିଷୟକୁ ଟ୍ରମ୍ପ ଏତେ ହାଲୁକା ଭାବେ କେମିତି ନେଉଛନ୍ତି?
ଇରାନର ଅଣ୍ଟା ଭାଙ୍ଗିବା ପ୍ଲାନ ଖାର୍ଗ ଆଇଲ୍ୟାଣ୍ଡ ହେଉଛି ଇରାନର ସେହି ସ୍ଥାନ, ଯେଉଁଠାରୁ ଦେଶର 90% ଅଏଲ୍ ଏକ୍ସପୋର୍ଟ ହୋଇଥାଏ। ଯଦି ଏହି ଜାଗା ଧ୍ୱଂସ ହୋଇଯାଏ, ତେବେ ଇରାନର ଇକୋନୋମି ପୁରା ଭୁଶୁଡ଼ି ପଡ଼ିବ। ଆମେରିକା ଏବେ ସେହି ପ୍ଲାନରେ ଅଛି। ଖାଲି ସେତିକି ନୁହେଁ, Strait of Hormuz ରେ ଯଦି କେହି ଜାହାଜ ଚଳାଚଳରେ ବାଧା ସୃଷ୍ଟି କରେ, ତେବେ ସେମାନଙ୍କୁ କଡ଼ା ଜବାବ ମିଳିବ ବୋଲି ଟ୍ରମ୍ପ ସ୍ପଷ୍ଟ କରିଛନ୍ତି।
ମାର୍କେଟରେ ହଇଚଇ ଏହି ଯୁଦ୍ଧ ଯୋଗୁଁ ଦୁନିଆରେ କ୍ରୁଡ୍ ଅଏଲ୍ ଦର ଆକାଶଛୁଆଁ ହେବାରେ ଲାଗିଛି। ଯଦି ପରିସ୍ଥିତି ଏମିତି ରହେ, ତେବେ ବେଞ୍ଚମାର୍କ ଅଏଲ୍ ପ୍ରାଇସ୍ 150 ଡଲାର ପାର୍ କରିପାରେ। ଏହାର ସିଧାସଳଖ ପ୍ରଭାବ ଇଣ୍ଡିଆନ ମାର୍କେଟ୍ ଏବଂ ପେଟ୍ରୋଲ-ଡିଜେଲ ଦର ଉପରେ ପଡ଼ିବା ନିଶ୍ଚିତ।
