ସମ୍ବଲପୁର: ହାତରେ ଧନୁ, ଆଖିରେ ଲକ୍ଷ୍ୟ। କିଏ କେତେ ସଠିକ୍ ଭାବେ ଟାର୍ଗେଟ୍ କରିପାରୁଛି, ତାକୁ ନେଇ ଏବେ ସମ୍ବଲପୁର ସହରରେ ଜମିଛି ଖେଳର ମାହୋଲ। ବୀର ସୁରେନ୍ଦ୍ର ସାଏ ଷ୍ଟାଡିୟମ୍ରେ ଏବେ ଦେଶର କୋଣ ଅନୁକୋଣରୁ ଆସିଥିବା ଛୋଟ ଛୋଟ ଧନୁର୍ଦ୍ଧରଙ୍କ ଭିଡ଼। ସମସ୍ତଙ୍କ ନଜର ଏବେ ଗୋଟିଏ ପଏଣ୍ଟ ଉପରେ।
ସମ୍ବଲପୁରରେ ଆରମ୍ଭ ହୋଇଯାଇଛି ୪୪ ତମ ନ୍ୟାସନାଲ୍ ଅଣ୍ଡର୍-୧୫ ଅର୍ଚ୍ଚରୀ ଚାମ୍ପିଅନସିପ୍। ଏହି ମେଗା ଇଭେଣ୍ଟରେ ଭାଗ ନେବା ପାଇଁ ସାରା ଦେଶରୁ ପାଖାପାଖି ୮୦୦ ପାର୍ଟିସିପାଣ୍ଟ୍ସ ସମ୍ବଲପୁରରେ ପହଞ୍ଚିଛନ୍ତି। ବୟସ କମ୍ ହେଲେ ବି ଏମାନଙ୍କ ଲକ୍ଷ୍ୟ ବହୁତ ବଡ଼। ବୟେଜ୍ ଓ ଗର୍ଲସ ଉଭୟ କ୍ୟାଟେଗୋରୀରେ ଏହି କମ୍ପିଟିସନ ଚାଲିଛି।
ଏହି ଟୁର୍ଣ୍ଣାମେଣ୍ଟକୁ ସମ୍ବଲପୁର ଜିଲ୍ଲା ପ୍ରଶାସନ ଓ ଅର୍ଚ୍ଚରୀ ଆସୋସିଏସନ ମିଳିତ ଭାବେ ଆୟୋଜନ କରୁଛନ୍ତି। ଉଦଘାଟନୀ ଉତ୍ସବରେ ସମ୍ବଲପୁର ଜିଲ୍ଲାପାଳ ଅନନ୍ୟା ଦାସ, ଏସପି ମୁକେଶ ଭାମୁଙ୍କ ସମେତ ଅନ୍ୟ ବଡ଼ ବଡ଼ ଅଫିସରମାନେ ଗେଷ୍ଟ ଭାବେ ଯୋଗ ଦେଇ ଖେଳାଳିଙ୍କୁ ଉତ୍ସାହିତ କରିଥିଲେ।
ଆସନ୍ତା କିଛି ଦିନ ପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟ ଜାରି ରହିବ। ଇଣ୍ଡିଆର ବିଭିନ୍ନ ଷ୍ଟେଟ୍ରୁ ଆସିଥିବା ଏହି ଟ୍ୟାଲେଣ୍ଟେଡ୍ ଖେଳାଳିମାନେ ନିଜର ଦମ ଦେଖାଇବେ। ଓଡ଼ିଶାରେ ଖେଳକୁ ପ୍ରମୋଟ୍ କରିବା ସହ ଲୋକାଲ୍ ପିଲାଙ୍କୁ ଅର୍ଚ୍ଚରୀ ପ୍ରତି ଆକୃଷ୍ଟ କରିବା ପାଇଁ ଏହା ଏକ ବଡ଼ ପ୍ଲାଟଫର୍ମ ବୋଲି କୁହାଯାଉଛି। ଷ୍ଟାଡିୟମ୍ ଭିତରେ ଏବେ ଖାଲି ଧନୁ ଓ ତୀରର ଖେଳ ଚାଲିଛି, ଯାହାକୁ ଦେଖିବା ପାଇଁ ସ୍ଥାନୀୟ ଲୋକଙ୍କ ମଧ୍ୟରେ ବେଶ୍ କ୍ରେଜ୍ ଦେଖିବାକୁ ମିଳୁଛି।
