ନୂଆଦିଲ୍ଲୀ: ସକାଳ ହେଲେ ଗାଡ଼ି ନେଇ ଅଫିସ୍ କିମ୍ବା ବଜାରକୁ ବାହାରିବା ଆଗରୁ ସମସ୍ତଙ୍କର ନଜର ଥାଏ ତେଲ ଟାଙ୍କି ଉପରେ। ପେଟ୍ରୋଲ୍ ଆଉ ଡିଜେଲ୍ ଦର କାଳେ ବଢ଼ିଯାଇଥିବ, ସେଇ ଭୟ ସବୁବେଳେ ମନରେ ଥାଏ। ତେବେ ଏପ୍ରିଲ 22 ତାରିଖ ପାଇଁ ଦେଶର ବଡ଼ ବଡ଼ ସିଟିରେ ତେଲ ଦର କ’ଣ ରହିଛି, ତା’ର ତାଜା ଅପଡେଟ୍ ଆସିଯାଇଛି।
ଆଜି ମଧ୍ୟ ଦେଶର ପ୍ରମୁଖ ସହରଗୁଡ଼ିକରେ ପେଟ୍ରୋଲ୍ ଓ ଡିଜେଲ୍ ରେଟ୍ ପ୍ରାୟ ସ୍ଥିର ରହିଛି। ଅର୍ଥାତ୍ ସାଧାରଣ ଲୋକଙ୍କ ପକେଟ୍ ଉପରେ ଆଜି କୌଣସି ବଡ଼ ଧରଣର ବୋଝ ପଡ଼ିନାହିଁ। ପ୍ରତିଦିନ ସକାଳ 6ଟା ବେଳେ ତେଲ କମ୍ପାନୀଗୁଡ଼ିକ ନୂଆ ରେଟ୍ ଜାରି କରିଥାନ୍ତି। ଭାଟ୍ (VAT) ଏବଂ ଲୋକାଲ୍ ଟ୍ୟାକ୍ସ ଯୋଗୁଁ ଅଲଗା ଅଲଗା ଷ୍ଟେଟ୍ରେ ଦର ଟିକେ ଏପଟ ସେପଟ ହୋଇଥାଏ।
ମେଟ୍ରୋ ସିଟିର ରିପୋର୍ଟ କହୁଛି ଯେ, ଦିଲ୍ଲୀରେ ପେଟ୍ରୋଲ୍ ଲିଟର ପିଛା 94.72 ଟଙ୍କା ଥିବାବେଳେ ଡିଜେଲ୍ 87.62 ଟଙ୍କାରେ ବିକ୍ରି ହେଉଛି। ସେହିପରି ଦେଶର ଆର୍ଥିକ ରାଜଧାନୀ ମୁମ୍ବାଇରେ ତେଲ ଦର ସବୁଠୁ ଅଧିକ ରହିଛି। ଏଠାରେ ପେଟ୍ରୋଲ୍ 104.21 ଟଙ୍କା ଏବଂ ଡିଜେଲ୍ 92.15 ଟଙ୍କାରେ ମିଳୁଛି।
ଅନ୍ୟପଟେ କୋଲକାତାରେ ପେଟ୍ରୋଲ୍ 103.94 ଟଙ୍କା ଓ ଡିଜେଲ୍ 90.76 ଟଙ୍କା ରହିଛି। ଚେନ୍ନାଇରେ ମଧ୍ୟ ପେଟ୍ରୋଲ୍ 100 ଟଙ୍କା ଉପରେ ରହିଛି, ଯାହାର ଆଜିର ରେଟ୍ ହେଉଛି 100.75 ଟଙ୍କା।
ଆପଣ ଯଦି ଚାହିଁବେ ତେବେ ଘରେ ବସି ନିଜ ସହରର ତେଲ ଦର ଚେକ୍ କରିପାରିବେ। ଏଥିପାଇଁ ତେଲ କମ୍ପାନୀର ୱେବସାଇଟ୍ କିମ୍ବା ଏସଏମଏସ (SMS) ଜରିଆରେ ସହଜରେ ଖବର ପାଇହେବ। ଆଜି ପାଇଁ ତେଲ ଦରରେ ସେମିତି କିଛି ବଡ଼ ପରିବର୍ତ୍ତନ ହୋଇ ନଥିବାରୁ ଗ୍ରାହକଙ୍କ ପାଇଁ ଏହା ଏକ ଆଶ୍ୱସ୍ତିକର ଖବର।
