ନୂଆଦିଲ୍ଲୀ: ଗାଡ଼ିରେ ତେଲ ପକାଇଲା ବେଳେ ଏବେ ଆଉ ପକେଟ୍ କାଟିବନି। ଗତ କିଛି ଦିନ ହେବ ମାର୍କେଟରେ ଚହଳ ପଡ଼ିଥିଲା କି ପେଟ୍ରୋଲ ଆଉ ଡିଜେଲ ଦାମ ଆକାଶଛୁଆଁ ହେବ। କିନ୍ତୁ ଏହି ସବୁ ଚର୍ଚ୍ଚା ଭିତରେ ଗଭର୍ଣ୍ଣମେଣ୍ଟ ଏମିତି ଏକ ଖବର ଦେଇଛନ୍ତି, ଯାହା ଗ୍ରାହକଙ୍କୁ ବଡ଼ ରିଲିଫ୍ ଦେଇଛି।
ଦେଶର ବଡ଼ ବଡ଼ ସରକାରୀ ତେଲ କମ୍ପାନୀ ଗୁଡ଼ିକ ଏବେ ପ୍ରବଳ ଲସରେ ଚାଲୁଛନ୍ତି। ସରକାରଙ୍କ ତରଫରୁ ଦିଆଯାଇଥିବା ରିପୋର୍ଟ ଅନୁସାରେ, ଗୋଟେ ଲିଟର ଡିଜେଲ ପଛରେ କମ୍ପାନୀଙ୍କୁ ପାଖାପାଖି 100 ଟଙ୍କା ଲସ୍ ହେଉଛି। ସେମିତି ପେଟ୍ରୋଲ ଲିଟର ପିଛା 20 ଟଙ୍କା ଲସ୍ ସହୁଛନ୍ତି କମ୍ପାନୀ। ଇଣ୍ଟରନ୍ୟାସନାଲ ମାର୍କେଟରେ କ୍ରୁଡ୍ ଅଏଲ୍ ବା କଞ୍ଚା ତେଲର ଦାମ ବଢ଼ୁଥିବାରୁ ଏହିଭଳି ପରିସ୍ଥିତି ସୃଷ୍ଟି ହୋଇଛି।
ଇଣ୍ଡିଆନ ଅଏଲ, ବିପିସିଏଲ (BPCL) ଆଉ ଏଚପିସିଏଲ (HPCL) ପରି ପବ୍ଲିକ ସେକ୍ଟର କମ୍ପାନୀ ଗୁଡ଼ିକ ଏହି ବଡ଼ ଝଟକା ପାଉଛନ୍ତି। ଏତେ ପରିମାଣର ଲସ୍ ସତ୍ତ୍ୱେ ବି ସାଧାରଣ ଲୋକଙ୍କ ଉପରେ ଦର ବୃଦ୍ଧିର ବୋଝ ଲଦିବାକୁ ଚାହୁଁନାହାନ୍ତି ସରକାର। ଗଭର୍ଣ୍ଣମେଣ୍ଟ ସ୍ପଷ୍ଟ କରିଛି କି, ବର୍ତ୍ତମାନ ପେଟ୍ରୋଲ କିମ୍ବା ଡିଜେଲ ଦାମ ବଢ଼ାଇବା ପାଇଁ କୌଣସି ପ୍ଲାନ ନାହିଁ।
ତେଲ କମ୍ପାନୀ ଗୁଡ଼ିକ କ୍ଷତି ସହି ମଧ୍ୟ ପୁରୁଣା ଦରରେ ତେଲ ବିକ୍ରି ଜାରି ରଖିବେ। ଫଳରେ ମହଙ୍ଗା ମାଡ଼ ଭୟରେ ଥିବା ସାଧାରଣ ଜନତା ଏବେ କିଛି ଦିନ ପାଇଁ ଆଶ୍ୱସ୍ତି ପାଇଛନ୍ତି। ମନ୍ତ୍ରଣାଳୟର କହିବା କଥା ହେଲା, ସିଚୁଏସନ ଉପରେ ନଜର ରଖାଯାଇଛି, କିନ୍ତୁ ଗ୍ରାହକଙ୍କ ହିତକୁ ଦେଖି ପ୍ରାଇସ ବଢ଼ାଯିବ ନାହିଁ।
