ନୂଆଦିଲ୍ଲୀ: ସାରା ଦେଶରେ ଏବେ ଆଇପିଏଲ୍ ଫିଭର। ଆଉ ଯେତେବେଳେ ଚେନ୍ନାଇ ସୁପର କିଙ୍ଗସ (CSK) କଥା ଉଠେ, ଫ୍ୟାନ୍ସଙ୍କ ଆଖି କେବଳ ଜଣକୁ ହିଁ ଖୋଜେ- ସେ ହେଉଛନ୍ତି ସମସ୍ତଙ୍କ ପ୍ରିୟ ମାହି। କିନ୍ତୁ ଏଥର ଗ୍ରାଉଣ୍ଡ ବାହାରେ ଏକ ବଡ଼ ସସପେନ୍ସ ଦେଖିବାକୁ ମିଳିଛି। ଧୋନି କୁଆଡ଼େ ଜାଣିଶୁଣି ନିଜକୁ ଟିମ୍ ଠାରୁ ଦୂରେଇ ରଖୁଛନ୍ତି। ଏହାକୁ ନେଇ ଏବେ କ୍ରିକେଟ ଦୁନିଆରେ ଜୋରଦାର ଚର୍ଚ୍ଚା ଆରମ୍ଭ ହୋଇଛି।
ନ୍ୟୁଜିଲ୍ୟାଣ୍ଡର ପୂର୍ବତନ ଷ୍ଟାର କ୍ରିକେଟର ସାଇମନ ଡଲ୍ ଏକ ଆଶ୍ଚର୍ଯ୍ୟକର ଦାବି କରିଛନ୍ତି। ସେ କହିଛନ୍ତି ଯେ ଧୋନି ଏବେ ସିଏସକେ କ୍ୟାମ୍ପ ଏବଂ ଖେଳାଳିଙ୍କ ଠାରୁ ଟିକେ ଦୂରତା ବଜାୟ ରଖୁଛନ୍ତି। ଏହା ପଛରେ ଧୋନିଙ୍କର ଏକ ବଡ଼ ପ୍ଲାନ ରହିଛି। ସେ ଚାହୁଁନାହାନ୍ତି ଯେ ତାଙ୍କ ଉପସ୍ଥିତି ଯୋଗୁଁ ନୂଆ କ୍ୟାପଟେନ୍ ରୁତୁରାଜ ଗାଏକ୍ୱାଡ କିମ୍ବା ଅନ୍ୟ ଖେଳାଳିମାନେ ପ୍ରେସରରେ ରୁହନ୍ତୁ।
ସାଇମନଙ୍କ ମତରେ, ଧୋନି ଜଣେ ଏମିତି ଲିଡର ଯିଏ ସବୁବେଳେ ପରବର୍ତ୍ତୀ ଜେନେରେସନ ପାଇଁ ରାସ୍ତା ତିଆରି କରନ୍ତି। ଯଦି ସେ ସବୁବେଳେ ଟିମ୍ ସହ ରହିବେ, ତେବେ ସମସ୍ତେ ଗାଇଡାନ୍ସ ପାଇଁ ତାଙ୍କ ପାଖକୁ ହିଁ ଦୌଡ଼ିବେ। ଏହାଦ୍ୱାରା ରୁତୁରାଜ ନିଜ ଷ୍ଟାଇଲରେ ଟିମ୍ ଚଲାଇ ପାରିବେ ନାହିଁ। ତେଣୁ ନିଜ ଛାଇରୁ ଟିମକୁ ମୁକ୍ତ ରଖିବା ପାଇଁ ‘ଥାଲା’ ଏହି ଚାଲ୍ ଚଳାଇଛନ୍ତି।
ଗତ କିଛି ସିଜନ ହେବ ଧୋନିଙ୍କ ରିଟାୟରମେଣ୍ଟକୁ ନେଇ ଅନେକ କଥା ଶୁଣିବାକୁ ମିଳୁଛି। ତେବେ ଧୋନିଙ୍କର ଏହି ନୂଆ ମୁଭ୍ ସୂଚାଉଛି ଯେ ସେ ଏବେ ସିଏସକେକୁ ନିଜ ବିନା ଜିତିବା ଶିଖାଉଛନ୍ତି। ଏବେ ଦେଖିବାକୁ ବାକି ରହିଲା ଧୋନିଙ୍କର ଏହି ‘ସାଇଲେଣ୍ଟ ମାଷ୍ଟରପ୍ଲାନ’ ଆଗାମୀ ମ୍ୟାଚ ଗୁଡ଼ିକରେ ଟିମ୍ ପାଇଁ କେତେ ଲାଭଦାୟକ ହେଉଛି। ଧୋନି ପଡ଼ିଆରେ ନଥାଇ ମଧ୍ୟ କିଭଳି ପଛରେ ରହି ଟିମକୁ ଶକ୍ତିଶାଳୀ କରୁଛନ୍ତି, ତାହା ଦେଖିବାକୁ ଫ୍ୟାନ୍ସ ଏବେ ବେଶ୍ ଉତ୍ସାହିତ।
