ଅମରାବତୀ: ରାସ୍ତା ସାରା ଗାଡିର ଲମ୍ବା ଲାଇନ। ପେଟ୍ରୋଲ ପମ୍ପ ଆଗରେ ଭିଡ଼ ଦେଖିଲେ ଲାଗୁଛି ଯେମିତି କିଛି ବଡ଼ ବିପତ୍ତି ଆସିଛି। ପେଟ୍ରୋଲ ଆଉ ଡିଜେଲ ପାଇଁ ଲୋକଙ୍କ ଭିତରେ ଏବେ ଛନକା। ଆନ୍ଧ୍ରପ୍ରଦେଶର ବିଭିନ୍ନ ସହରରେ ତେଲ ଶର୍ଟେଜ୍ (Shortage) ଖବର ପ୍ରଚାର ହେବା ପରେ ସାଧାରଣ ଲୋକେ ଏବେ ଚିନ୍ତାରେ।
ରାଜ୍ୟରେ ଦେଖାଦେଇଥିବା ଏହି ତେଲ ସଂକଟକୁ ନେଇ ଏବେ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଆକ୍ସନ ମୋଡକୁ ଆସିଛନ୍ତି। ପେଟ୍ରୋଲ ଓ ଡିଜେଲର ଅଭାବ କାହିଁକି ହେଲା, ସେ ନେଇ ସେ ତୁରନ୍ତ ରିପୋର୍ଟ ମାଗିଛନ୍ତି। ସିଭିଲ ସପ୍ଲାଇ ଡିପାର୍ଟମେଣ୍ଟର (Civil Supplies Department) ଅଫିସରମାନଙ୍କ ସହ କଥା ହୋଇ ସ୍ଥିତି ସମୀକ୍ଷା କରିଛନ୍ତି ନାଇଡୁ।
ଅଫିସରମାନଙ୍କୁ ସିଧା ସିଧା ନିର୍ଦ୍ଦେଶ ଦିଆଯାଇଛି ଯେ, ତେଲ ଷ୍ଟକ୍ (Stock) କେତେ ଅଛି ଏବଂ ସପ୍ଲାଏ (Supply) କେଉଁଠି ଅଟକିଛି ତାହାର ତଦନ୍ତ କରାଯାଉ। କୌଣସି ପରିସ୍ଥିତିରେ ଯେମିତି କମନ ମ୍ୟାନ (Common man) ହଇରାଣ ନହୁଏ, ସେଥିପ୍ରତି ଧ୍ୟାନ ଦେବାକୁ ମୁଖ୍ୟମନ୍ତ୍ରୀ କହିଛନ୍ତି। ପେଟ୍ରୋଲ ପମ୍ପ ଗୁଡ଼ିକରେ ଯେମିତି ପର୍ଯ୍ୟାପ୍ତ ତେଲ ରହିବ, ସେଥିପାଇଁ ତେଲ କମ୍ପାନୀମାନଙ୍କ ସହ ସମନ୍ୱୟ ରକ୍ଷା କରିବାକୁ ସରକାରୀ ସ୍ତରରେ ପ୍ରୟାସ ଆରମ୍ଭ ହୋଇଛି।
ସୂଚନା ଅନୁସାରେ, ଗତ କିଛି ଦିନ ହେବ ସପ୍ଲାଏ ଚେନ୍ରେ ସମସ୍ୟା ଯୋଗୁଁ ଅନେକ ସ୍ପଟ୍ରେ (Spot) ତେଲ ମିଳୁନଥିଲା। ଏହି ଖବର ପବନ ବେଗରେ ବ୍ୟାପିବା ପରେ ଲୋକେ ପ୍ୟାନିକ (Panic) ହୋଇ ପମ୍ପ ଆଡକୁ ଧାଇଁଥିଲେ। ତେବେ ସରକାର କହିଛନ୍ତି ଯେ ଡରିବାର କୌଣସି କାରଣ ନାହିଁ, ଖୁବଶୀଘ୍ର ସବୁ ପମ୍ପରେ ତେଲ ମିଳିବ। ଏହି ପୁରା ଘଟଣା ଉପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସିଧାସଳଖ ନଜର ରଖିଛି।
