ନୂଆଦିଲ୍ଲୀ: ଚାରିଆଡେ ଏବେ ଅଦାନୀଙ୍କ ଚର୍ଚ୍ଚା। ବ୍ୟବସାୟ ବଢୁଛି, ଆଉ ତା’ ସାଙ୍ଗକୁ ବଢୁଛି କମ୍ପାନୀର ଲାଭ। ସେୟାର ମାର୍କେଟରେ ନିଜର ଦବଦବା ବଜାୟ ରଖିଥିବା ‘ଅଦାନୀ ଟୋଟାଲ ଗ୍ୟାସ’ (Adani Total Gas) ଏଥର ନିଜର ଚତୁର୍ଥ କ୍ୱାର୍ଟର (Q4) ରିପୋର୍ଟ କାର୍ଡ ଦେଖାଇ ସମସ୍ତଙ୍କୁ ଚମକାଇ ଦେଇଛି। କମ୍ପାନୀର ଆୟ ଏବଂ ଲାଭ, ଉଭୟ କ୍ଷେତ୍ରରେ ଜବରଦସ୍ତ ଗ୍ରୋଥ୍ ଦେଖିବାକୁ ମିଳିଛି।
ତାଜା ରିପୋର୍ଟ ଅନୁସାରେ, ଅଦାନୀ ଟୋଟାଲ ଗ୍ୟାସର ନେଟ୍ ପ୍ରଫିଟ୍ରେ 9% ବୃଦ୍ଧି ଘଟିଛି। କେବଳ ସେତିକି ନୁହେଁ, କମ୍ପାନୀର ମୋଟ ଆଦାୟ ବା ରିଭେନ୍ୟୁ ମଧ୍ୟ ପାଖାପାଖି 17% ବଢିଯାଇଛି। ମାର୍କେଟ୍ ଏକ୍ସପର୍ଟମାନେ ଯାହା ଅନୁମାନ କରିଥିଲେ, ରେଜଲ୍ଟ ତା’ଠାରୁ ବି ଭଲ ଆସିଛି। ଯାହାକୁ ନେଇ ଏବେ ଇନଭେଷ୍ଟରମାନଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି।
ଗ୍ୟାସ ସେକ୍ଟରରେ ଅଦାନୀଙ୍କ ଏହି କମ୍ପାନୀ ଏବେ ରକେଟ୍ ସ୍ପିଡ୍ରେ ଆଗକୁ ବଢୁଛି। ସହରରେ CNG ଷ୍ଟେସନ ସଂଖ୍ୟା ବଢିବା ସହ ଘରକୁ ଘର ଯାଉଥିବା ପାଇପ୍ ଗ୍ୟାସ ବା PNG କନେକ୍ସନ ମଧ୍ୟ ବହୁତ ବୃଦ୍ଧି ପାଇଛି। ଏହି ବିଜନେସ୍ ଏକ୍ସପାନ୍ସନ ଯୋଗୁଁ କମ୍ପାନୀର କଲେକ୍ସନ ବଢିଛି। ବିଶେଷ କରି ଗାଡ଼ି ମାଲିକମାନେ CNG ଆଡ଼କୁ ଅଧିକ ଢଳୁଥିବାରୁ ଅଦାନୀଙ୍କ ଗ୍ୟାସ ବ୍ୟବସାୟକୁ ବଡ଼ ଫାଇଦା ମିଳିଛି।
ଆଗାମୀ ଦିନରେ ଅଦାନୀ ଟୋଟାଲ ଗ୍ୟାସ ନିଜର ନେଟୱର୍କକୁ ଆହୁରି ବଡ଼ କରିବାକୁ ମାଷ୍ଟର ପ୍ଲାନ୍ ପ୍ରସ୍ତୁତ କରିଛି। ଗ୍ରାହକଙ୍କୁ ଭଲ ସର୍ଭିସ ଦେବା ସହ କମ୍ପାନୀ ନିଜର ଅପରେସନାଲ ପରଫରମାନ୍ସକୁ ସୁଧାରିବା ଉପରେ ଫୋକସ କରୁଛି। ଯଦି ଏହି ଗତିରେ କମ୍ପାନୀ ଆଗକୁ ବଢେ, ତେବେ ଆଗାମୀ ଦିନରେ ଅଦାନୀ ଗ୍ରୁପର ଏହି କମ୍ପାନୀ ମାର୍କେଟରେ ଆହୁରି ହଟଚମଟ ସୃଷ୍ଟି କରିବ ବୋଲି ଆଶା କରାଯାଉଛି।
