ମୁମ୍ବାଇ: ସବୁବେଳେ ପଛରେ ରହିଥିଲା ‘ନେପୋଟିଜିମ୍’ର ଟ୍ୟାଗ୍। ସଚିନ ତେନ୍ଦୁଲକରଙ୍କ ପୁଅ ବୋଲି ସମାଲୋଚକମାନେ କଥା କହିବାକୁ ପଛାଉ ନଥିଲେ। କିନ୍ତୁ ଏବେ ସବୁ ଚୁପ୍। ୨୨ ଗଜର ମଇଦାନରେ ଅର୍ଜୁନ ତେନ୍ଦୁଲକର ଯେଉଁ ଝଟକା ଦେଇଛନ୍ତି, ସେଥିରେ ବଡ଼ ବଡ଼ ବ୍ୟାଟରଙ୍କ ହୋସ୍ ଉଡ଼ିଯାଇଛି। ଆଉ ଏହି ଝଟକା ପାଇଁ କୋଚ୍ ମୁକୁଲ ଚୌଧୁରୀ ବହୁତ ଆଗରୁ ୱାର୍ଣ୍ଣିଂ ଦେଇ ସାରିଥିଲେ।
କୋଚ୍ ମୁକୁଲଙ୍କ କହିବା କଥା ହେଲା, ଅର୍ଜୁନ କିଛି ଆଉଟ୍ ଅଫ୍ ସିଲାବସ ନୁହନ୍ତି। ସେ ଏକ ସ୍ପେଶାଲ ପ୍ରୋଜେକ୍ଟ ଭଳି ନିଜ ଉପରେ କାମ କରୁଥିଲେ। ଆଇପିଏଲ 2026 ରେ ତାଙ୍କର ଏହି ‘କାର୍ଣ୍ଣେଜ’ ବା ବିଧ୍ୱଂସୀ ରୂପ ଦେଖିବାକୁ ମିଳିବ ବୋଲି ସେ ପୂର୍ବାନୁମାନ କରିଥିଲେ। ଆଜି ସେଇଆ ହିଁ ହେଉଛି। ମଇଦାନକୁ ଓହ୍ଲାଇବା କ୍ଷଣି ଅର୍ଜୁନଙ୍କ ବଲ୍ ଏବେ ନିଆଁ ବର୍ଷୁଛି।
ପୂର୍ବରୁ ଲୋକେ ତାଙ୍କୁ କେବଳ ‘ମାଷ୍ଟର ବ୍ଲାଷ୍ଟର’ଙ୍କ ପୁଅ ଭାବେ ଜାଣୁଥିଲେ। କିନ୍ତୁ ଏବେ ସେ ନିଜର ଏକ ନୂଆ ପରିଚୟ ତିଆରି କରିଛନ୍ତି। କେବଳ ସ୍ପିଡ୍ ନୁହେଁ, ବରଂ ସଠିକ୍ ଲାଇନ୍ ଆଉ ଲେନ୍ଥରେ ବଲ୍ ପକାଇ ସେ ବିରୋଧୀ ଟିମ୍ର ମେରୁଦଣ୍ଡ ଭାଙ୍ଗି ଦେଉଛନ୍ତି। ମୁକୁଲ ଚୌଧୁରୀଙ୍କ ଅନୁସାରେ, ଅର୍ଜୁନଙ୍କ ପାଖରେ ସେହି ଏକ୍ସ-ଫ୍ୟାକ୍ଟର ଅଛି, ଯାହା ତାଙ୍କୁ ଅନ୍ୟ ବୋଲରଙ୍କ ଠାରୁ ଅଲଗା କରୁଛି।
ଆଇପିଏଲର ଏହି ସିଜନରେ ଅର୍ଜୁନଙ୍କୁ ନେଇ ଏବେ ଚର୍ଚ୍ଚା ଜୋର ଧରିଛି। ଫ୍ୟାନ୍ସମାନେ କହୁଛନ୍ତି, “ବାପା ବ୍ୟାଟ୍ରେ କମାଲ କରୁଥିଲେ, ପୁଅ ଏବେ ବଲ୍ରେ କମାଲ କରୁଛନ୍ତି।” ମୁକୁଲଙ୍କ ଏହି ‘ୱାର୍ଣ୍ଣିଂ’ ଏବେ ମଇଦାନରେ ସତ ହେଉଥିବା ଦେଖିବାକୁ ମିଳୁଛି। ବ୍ୟାଟରମାନେ ସେଟିଂ ହେବା ଆଗରୁ ଅର୍ଜୁନ ତାଙ୍କ ୱିକେଟ୍ ଉଡ଼ାଇ ଦେଉଛନ୍ତି। ଏବେ ଦେଖିବାକୁ ବାକି ରହିଲା, ଏହି ପୁରା ସିଜନରେ ଅର୍ଜୁନ ଆଉ କେତେ ଜଣଙ୍କ ସିଲାବସ ବିଗାଡୁଛନ୍ତି।
