ଚେନ୍ନାଇ: ସୂର୍ଯ୍ୟଙ୍କ ତାତି ସାଙ୍ଗକୁ ଏବେ ତାମିଲନାଡୁରେ ରାଜନୈତିକ ପାରଦ ବି ପୂରା ଉପରେ। ଚେନ୍ନାଇର ଗଳି କନ୍ଦିରେ ଏବେ ଖାଲି ପୋଷ୍ଟର, ବ୍ୟାନର ଆଉ ଲାଉଡସ୍ପିକରର ଗର୍ଜନ। 2026 ବିଧାନସଭା ଇଲେକ୍ସନ ପାଇଁ ପୂରା ରାଜ୍ୟ ଏବେ ଉଠୁଛି ପଡ଼ୁଛି। ବିଶେଷ କରି ରାଜଧାନୀ ଚେନ୍ନାଇ ଏବେ ଅସଲି ‘ବ୍ୟାଟେଲଗ୍ରାଉଣ୍ଡ’ ସାଜିଛି। କାହା ହାତକୁ ଯିବ କ୍ଷମତା, ସେଥିପାଇଁ ଚାଲିଛି ଜୋରଦାର କସରତ।
ଏଥର ଲଢ଼େଇ କେବଳ ଭୋଟ୍ ପାଇଁ ନୁହେଁ, ବରଂ ଦୁଇଟି ବଡ଼ ଜିଦ୍କୁ ନେଇ। ଗୋଟେ ପଟେ ସରକାରଙ୍କ ‘ୱେଲଫେୟାର’ ସ୍କିମ୍ (ଜନକଲ୍ୟାଣ ଯୋଜନା) ଆଉ ଅନ୍ୟପଟେ ସହରର ‘ଇନଫ୍ରାଷ୍ଟ୍ରକ୍ଚର’ (ଭିତ୍ତିଭୂମି)। ଚେନ୍ନାଇର ହାଇ-ପ୍ରୋଫାଇଲ ସିଟ୍ ଗୁଡ଼ିକରେ କିଏ ମାରିବ ବାଜି, ତାକୁ ନେଇ ଗାଁଠୁ ସହର ସବୁଠି ଏବେ ଚା’ ଖଟିରେ ଚର୍ଚ୍ଚା।
ସହରର ଟ୍ରାଫିକ ଜାମ୍ ଆଉ ମେଟ୍ରୋ କାମ ଯୋଗୁଁ ଲୋକେ ନାକେଦମ ହେଉଛନ୍ତି। ଏହାକୁ ନେଇ ସାଧାରଣ ଲୋକଙ୍କ ଭିତରେ କିଛିଟା ଅସନ୍ତୋଷ ଥିଲେ ବି, ମହିଳାମାନଙ୍କ ପାଇଁ ଥିବା ମାସିକ ସହାୟତା ରାଶି ଏକ ବଡ଼ ‘ଫ୍ୟାକ୍ଟର’ ସାଜିଛି। ପାଣି ସମସ୍ୟା ଆଉ ଡ୍ରେନେଜ ବ୍ୟବସ୍ଥାକୁ ଅସ୍ତ୍ର କରି ବିରୋଧୀ ଦଳମାନେ ସରକାରଙ୍କୁ ଘେରିବାକୁ ଚେଷ୍ଟା କରୁଛନ୍ତି।
ଷ୍ଟାଲିନଙ୍କ ଡିଏମକେ (DMK) ପାଇଁ ଏହି ଇଲେକ୍ସନ ଏକ ଅଗ୍ନି ପରୀକ୍ଷା। ସେପଟେ ଏଆଇଏଡିଏମକେ (AIADMK) ସହ ସୁପରଷ୍ଟାର ବିଜୟଙ୍କ ନୂଆ ପାର୍ଟି ‘ଟିଭିକେ’ (TVK) ମଇଦାନକୁ ଆହୁରି ରୋମାଞ୍ଚକର କରିଦେଇଛି। ଚେନ୍ନାଇ ଭୋଟରଙ୍କ ମନ ଜିତିବା ପାଇଁ ସବୁ ନେତା ଏବେ ‘ଫୁଲ୍ ଦମ’ ଲଗାଇ ଦେଇଛନ୍ତି।
ଲୋକେ ଚେନ୍ନାଇର ଚେହେରା ବଦଳାଉଥିବା ନେତାଙ୍କୁ ବାଛିବେ ନା ପକେଟକୁ ସିଧା ଟଙ୍କା ପଠାଉଥିବା ସରକାରଙ୍କୁ ସପୋର୍ଟ କରିବେ, ତାହା ହିଁ ଏବେ ସବୁଠୁ ବଡ଼ ପ୍ରଶ୍ନ। ଚେନ୍ନାଇର ଏହି ‘ହାଇ-ପ୍ରୋଫାଇଲ’ କଣ୍ଟେଷ୍ଟ ଉପରେ ଏବେ ପୂରା ଦେଶର ନଜର। ତାମିଲନାଡୁର ଏହି ପଲିଟିକାଲ ଡ୍ରାମାରେ ଶେଷ ସିନ୍ କ’ଣ ହେବ, ତାକୁ ହିଁ ସମସ୍ତଙ୍କ ଅପେକ୍ଷା।
