ଦୁନିଆ ଏବେ ଆର୍ଟିଫିସିଆଲ ଇଣ୍ଟେଲିଜେନ୍ସ ବା AI ହାତରେ। କମ୍ପ୍ୟୁଟର ସ୍କ୍ରିନରୁ ବାହାରୁଛି ଭବିଷ୍ୟତର ରିପୋର୍ଟ। ଆଉ ଏହି AI ଯେତେବେଳେ ଦେଶର ଦୁଇ ବଡ଼ ନେତାଙ୍କୁ ନେଇ ହିସାବ କଲା, ସେତେବେଳେ ପୂରା ‘ସିନେରିଓ’ ବଦଳିଗଲା। କିଏ କାମରେ ଆଗୁଆ ଆଉ କାହାର କ୍ରେଜ୍ ବେଶୀ, ତାକୁ ନେଇ ମେସିନ ଦେଇଛି ଏମିତି ଏକ ରିଜଲ୍ଟ, ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି।
ଟେକ୍ ଜଗତର ବାଦଶାହା ଏଲନ ମସ୍କଙ୍କ ଚାଟ୍ବଟ୍ ‘Grok’ (ଗ୍ରୋକ୍) ପାଖରେ ପହଞ୍ଚିଥିଲା ଏକ ବଡ଼ ପ୍ରଶ୍ନ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନା ରାହୁଲ ଗାନ୍ଧୀ— କିଏ ଦେଶ ପାଇଁ ବେଷ୍ଟ? ରିପୋର୍ଟ ଯାହା ଆସିଲା, ତାହା ଏବେ ସୋସିଆଲ ମିଡିଆରେ ନିଆଁ ଲଗାଇ ଦେଇଛି। AI ସିଧା ସିଧା କହିଛି— ‘ଡାଟା’ (Data) ପାଖରେ ‘ପରିବାରବାଦ’ (Dynasty) ହାରିଯାଇଛି।
‘Grok’ ର କହିବା କଥା ହେଲା, ମୋଦୀଙ୍କ ଶାସନ କାଳରେ ଇଣ୍ଡିଆର ‘ଡିଜିଟାଲ ଇନଫ୍ରାଷ୍ଟ୍ରକ୍ଚର’ ପୂରା ବଦଳି ଯାଇଛି। ୟୁପିଆଇ (UPI) ଠାରୁ ଆରମ୍ଭ କରି ଇକୋନୋମି ପର୍ଯ୍ୟନ୍ତ ସବୁଥିରେ ମୋଦୀଙ୍କ ଦବଦବା ରହିଛି। ଜଣେ ‘ଗ୍ଲୋବାଲ ଲିଡର’ ଭାବେ ମୋଦୀଙ୍କ ଇମେଜ୍ ପୁରା ‘ଡାଇନାମିକ’। ଦେଶର ଗରିବ ଲୋକଙ୍କ ପାଖରେ ସୁବିଧା ପହଞ୍ଚାଇବା ହେଉ କିମ୍ବା ବିଶ୍ୱ ଦରବାରରେ ଭାରତର ଦାପ୍ଟ ବଢ଼ାଇବା, ଏସବୁଥିରେ ମୋଦୀଙ୍କୁ ଫୁଲ୍ ମାର୍କ୍ସ ଦେଇଛି ଏହି AI।
ଅନ୍ୟପଟେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ନେଇ ‘Grok’ ଟିକେ ରକ୍ଷଣଶୀଳ। AI ଅନୁସାରେ ରାହୁଲଙ୍କ ପାଖରେ ପାରିବାରିକ ପରିଚୟ ତ ଅଛି, କିନ୍ତୁ ଗ୍ରାଉଣ୍ଡ ଲେଭଲରେ ‘ଇମ୍ପାକ୍ଟ’ କମ୍ ରହୁଛି। ଡାଟା କହୁଛି, ରାହୁଲଙ୍କ ରାଜନୀତି ଅପେକ୍ଷା ମୋଦୀଙ୍କ ‘ଡେଭଲପମେଣ୍ଟ’ ମଡେଲ ଲୋକଙ୍କୁ ବେଶୀ ପ୍ରଭାବିତ କରୁଛି। ଖାସ କରି ୟୁଥ୍ମାନେ ମୋଦୀଙ୍କ ଟେକ୍ନୋଲୋଜି ଏବଂ ପ୍ରୋଗ୍ରେସିଭ୍ ପଲିଟିକ୍ସକୁ ବେଶୀ ପସନ୍ଦ କରୁଛନ୍ତି।
ଏହି ରିପୋର୍ଟ ପରେ ଏବେ ରାଜନୈତିକ ମହଲରେ ହଲଚଲ ସୃଷ୍ଟି ହୋଇଛି। ଯେଉଁଠି ନେତାମାନେ ପରସ୍ପରକୁ ସମାଲୋଚନା କରୁଥିଲେ, ସେଠି ଏବେ ମସ୍କଙ୍କ AI ମୋଦୀଙ୍କ ପାଇଁ ‘ଗ୍ରୀନ ସିଗନାଲ’ ଦେଖାଇଛି। ପୁରା ଘଟଣାକୁ ଦେଖିଲେ ଲାଗୁଛି, ଆଗାମୀ ଦିନରେ ଭୋଟରଙ୍କ ମନ ବୁଝିବା ପାଇଁ ହୁଏତ ଏହି ‘ଡାଟା’ ହିଁ ସବୁଠୁ ବଡ଼ ହତିଆର ହେବ।
