ନୂଆଦିଲ୍ଲୀ: ବିଶ୍ୱ ରାଜନୀତିର ହଟଚମଟ ଆଉ ଆମେରିକାର କଡ଼ା ନଜର ଭିତରେ ଶେଷରେ ଏକ ବଡ଼ ଖବର ସାମ୍ନାକୁ ଆସିଛି। ସାତ ସାତଟା ବର୍ଷର ଅପେକ୍ଷା ଆଉ କଟକଣାର ଜାଲ କାଟି ଏବେ ସମୁଦ୍ର ପଥରେ ଭାରତ ଅଭିମୁଖେ ଛୁଟିଛି ଏକ ବିଶାଳ ଜାହାଜ। ଦୀର୍ଘ 7 ବର୍ଷର ବ୍ୟବଧାନ ପରେ ପୁଣିଥରେ ଇରାନରୁ ଭାରତକୁ ଆସୁଛି କ୍ରୁଡ୍ ଅଏଲ୍ (Crude Oil)।
ସୂଚନା ଅନୁସାରେ, 2019 ମସିହାରୁ ଆମେରିକାର ସାଙ୍କସନ (Sanctions) ଯୋଗୁଁ ଇରାନ ସହ ତେଲ କାରବାର ଏକପ୍ରକାର ଠପ୍ ହୋଇଯାଇଥିଲା। ହେଲେ ଏବେ ଦେଶର ଏକ ବଡ଼ ପ୍ରାଇଭେଟ୍ ରିଫାଇନାରୀ (Private Refinery) ଏହି ବାଟ ଖୋଲିଛି। ‘ସେରେନା’ (Serena) ନାମକ ଏକ ବିଶାଳ ଭିସିସିସି (VLCC) ଜାହାଜ ପ୍ରାୟ 2 ମିଲିୟନ ବ୍ୟାରେଲ୍ ତେଲ ଧରି ଗୁଜରାଟର ଜାମନଗର ବନ୍ଦର ଅଭିମୁଖେ ବାହାରିଛି।
ଏହି ଡିଲ୍ (Deal) ପଛରେ ରିଲାଏନ୍ସ ଇଣ୍ଡଷ୍ଟ୍ରିଜ୍ର ହାତ ଥିବା କୁହାଯାଉଛି। ରୁଷିଆ-ୟୁକ୍ରେନ ଯୁଦ୍ଧ ପରଠାରୁ ଭାରତ ନିଜର ଇନର୍ଜି ସିକ୍ୟୁରିଟି (Energy Security) ପାଇଁ ନୂଆ ନୂଆ ବାଟ ଖୋଜୁଥିଲା। ଏବେ ଇରାନରୁ ଶସ୍ତାରେ ତେଲ ଆସିଲେ ଦେଶର ଇକୋନୋମି (Economy) ପାଇଁ ଏହା ଏକ ବଡ଼ ଆଶ୍ୱସ୍ତି ହେବ।
ତେବେ ଆମେରିକାର ରକ୍ତଚକ୍ଷୁକୁ ଭୃକ୍ଷେପ ନକରି ଭାରତର ଏହି ମୁଭ୍ (Move) ଏବେ ପୂରା ଦୁନିଆରେ ଚର୍ଚ୍ଚାର ବିଷୟ ପାଲଟିଛି। ଯଦି ଏହି କାର୍ଗୋ (Cargo) ସଫଳତାର ସହ ପହଞ୍ଚିଯାଏ, ତେବେ ଆଗାମୀ ଦିନରେ ଇରାନ ସହ ବ୍ୟବସାୟିକ ସମ୍ପର୍କ ଆହୁରି ମଜଭୁତ ହେବ। ଏହା ଦ୍ୱାରା ଦେଶରେ ପେଟ୍ରୋଲ ଓ ଡିଜେଲ ଦର ନିୟନ୍ତ୍ରଣରେ ରହିବ ବୋଲି ଏକ୍ସପର୍ଟମାନେ ଆଶା ରଖିଛନ୍ତି।
