ସକାଳୁ ସକାଳୁ ସବୁ କିଛି ବଦଳି ଗଲା। ଯେଉଁ ବଜାର ମାନ୍ଦା ଅବସ୍ଥାରେ ପଡ଼ି ରହିଥିଲା, ସେଠି ଏବେ ଖାଲି ‘ଗ୍ରୀନ୍ ସିଗନାଲ’। ପାକିସ୍ତାନ ଷ୍ଟକ୍ ମାର୍କେଟରେ ଆଜି ଯାହା ଘଟିଲା, ତାହା ନିବେଶକଙ୍କୁ ପୁରା ତାଜୁବ୍ କରିଦେଇଛି। ୟୁଏସ ଏବଂ ଇରାନ ମଧ୍ୟରେ ସିଜଫାୟାର ବା ଯୁଦ୍ଧ ବିରତି ଖବର ଆସିବା ମାତ୍ରେ ପାକିସ୍ତାନର ଷ୍ଟକ୍ ମାର୍କେଟରେ ଏକ ପ୍ରକାର ଝଡ଼ ସୃଷ୍ଟି ହୋଇଛି।
ପାକିସ୍ତାନ ଷ୍ଟକ୍ ଏକ୍ସଚେଞ୍ଜ (PSX) ରେ ଆଜି ରେକର୍ଡ ସ୍ପିଡରେ ସେନସେକ୍ସ ଉପରକୁ ଚଢ଼ିଛି। ମାତ୍ର କିଛି ସମୟ ଭିତରେ ମାର୍କେଟ 12,000 ପଏଣ୍ଟରୁ ଅଧିକ ଜମ୍ପ କରିଥିଲା। ଅବସ୍ଥା ଏମିତି ହେଲା ଯେ ମାର୍କେଟର ଏହି ସ୍ପିଡକୁ ଦେଖି ଟ୍ରେଡିଂକୁ କିଛି ସମୟ ପାଇଁ ‘ହଲ୍ଟ’ ବା ବନ୍ଦ କରିବାକୁ ପଡ଼ିଥିଲା। ନିବେଶକମାନେ ନିଜର ଆଖିକୁ ବିଶ୍ୱାସ କରିପାରୁ ନଥିଲେ ଯେ କିଛି ମିନିଟ୍ ଭିତରେ ସେମାନଙ୍କ ଭାଗ୍ୟ ଏମିତି ବଦଳିଯିବ।
ଏହି ବଡ଼ ପରିବର୍ତ୍ତନ ପଛରେ ରହିଛି ୟୁଏସ ଏବଂ ଇରାନ ମଧ୍ୟରେ ହୋଇଥିବା ସିଜଫାୟାର ଚୁକ୍ତି। ଦୁଇ ଦେଶ ମଧ୍ୟରେ ଯୁଦ୍ଧର ଆଶଙ୍କା ଟଳିଯିବା ପରେ ପୁରା ଦୁନିଆର ମାର୍କେଟରେ ଏକ ପଜିଟିଭ୍ ପ୍ରଭାବ ଦେଖିବାକୁ ମିଳିଛି। ବିଶେଷ କରି ପାକିସ୍ତାନର ଅର୍ଥନୀତି ପାଇଁ ଏହା ଏକ ବଡ଼ ରାହତ ଆଣିଦେଇଛି। ସେୟାର ମାର୍କେଟ ଏକ୍ସପର୍ଟଙ୍କ କହିବା କଥା, ଯଦି ବିଶ୍ୱ ବଜାରରେ ପରିସ୍ଥିତି ଏମିତି ଶାନ୍ତ ରହେ, ତେବେ ଆଗକୁ ନିବେଶକମାନେ ଆହୁରି ଫାଇଦା ପାଇବେ।
ଏହି ଐତିହାସିକ ବୃଦ୍ଧି ପରେ ପାକିସ୍ତାନର ବ୍ୟବସାୟୀ ମହଲରେ ଖୁସିର ଲହରୀ ଖେଳିଯାଇଛି। ମାର୍କେଟ ଇତିହାସରେ କେବେ ହେଲେ ଏତେ ବଡ଼ ଜମ୍ପ ଦେଖିବାକୁ ମିଳିନଥିଲା, ଯାହା ଆଜି ସମ୍ଭବ ହୋଇଛି। କେବଳ ପାକିସ୍ତାନ ନୁହେଁ, ବରଂ ଏହି ଖବର ପରେ ପୁରା ଏସିଆର ଅନେକ ମାର୍କେଟରେ ମଧ୍ୟ ରକେଟ୍ ସ୍ପିଡ୍ ଦେଖିବାକୁ ମିଳିଛି
