ଅହମ୍ମଦାବାଦ: ଷ୍ଟାଡିୟମରେ ଦର୍ଶକଙ୍କ ପ୍ରବଳ ଚିତ୍କାର। କ୍ରିଜରେ ଥାନ୍ତି ଗୁଜରାଟ ଟାଇଟନ୍ସର ‘ପ୍ରିନ୍ସ’ ଶୁଭମନ ଗିଲ୍। ଗୋଟିଏ ପରେ ଗୋଟିଏ ଶଟ୍ ମାରି ସେ କେକେଆର ବୋଲରଙ୍କୁ ହଇରାଣ କରୁଥାନ୍ତି। ଲାଗୁଥିଲା ଗିଲ୍ ଆଜି ଏକାକୀ ମ୍ୟାଚ୍ ଜିତାଇ ଦେବେ। କିନ୍ତୁ ସିନେମାର ଟ୍ୱିଷ୍ଟ ପରି ଏଣ୍ଟ୍ରି ମାରିଲେ ଯୁବ ସ୍ପିନର ସୁୟାସ ଶର୍ମା। ଆଉ ତା’ ପରେ ଯାହା ଘଟିଲା, ତାହା ଏବେ ପୂରା କ୍ରିକେଟ ଦୁନିଆରେ ଚର୍ଚ୍ଚାର ବିଷୟ ପାଲଟିଛି।
ସୁୟାସଙ୍କ ଗୋଟିଏ ଜବରଦସ୍ତ ବଲ୍ରେ ଗିଲ୍ ଚିତ୍ପଟାଙ୍ଗ। ଉଇକେଟ ମିଳିବା ମାତ୍ରେ ପୂରା ଗ୍ରାଉଣ୍ଡରେ କୋଳାହଳ। କିନ୍ତୁ ସମସ୍ତଙ୍କ ନଜର ଅଟକି ଗଲା ସୁୟାସଙ୍କ ଉପରେ। ଉଇକେଟ ନେଇ ସେ ଅନ୍ୟ ବୋଲରଙ୍କ ଭଳି ଦୌଡ଼ିବା ବଦଳରେ ପଡ଼ିଆ ମଝିରେ ସ୍ଥିର ହୋଇ ଠିଆ ହେଲେ। ଏହାପରେ ମୁଣ୍ଡ ନୁଆଁଇ (Bow down) ଏକ ନିଆରା ଢଙ୍ଗରେ ‘ରୟାଲ’ ସେଲିବ୍ରେସନ କଲେ। ସୁୟାସଙ୍କ ଏହି ଅନ୍ଦାଜ ଦେଖି ଫ୍ୟାନ୍ସମାନେ କହିଛନ୍ତି, ଗିଲ୍ଙ୍କ ଭଳି ବଡ଼ ବ୍ୟାଟରଙ୍କୁ ଆଉଟ୍ କରି ସୁୟାସ ଏମିତି ସମ୍ମାନ ଜଣାଇଛନ୍ତି।
ଏହି ଭିଡିଓ ଏବେ ସୋସିଆଲ ମିଡିଆରେ ନିଆଁ ଭଳି ଭାଇରାଲ ହେବାରେ ଲାଗିଛି। ଆଇପିଏଲ 2026ର ଏହି ହାଇ-ଭୋଲଟେଜ ମ୍ୟାଚରେ ସୁୟାସଙ୍କ ଏହି ଷ୍ଟାଇଲ ସବୁଠୁ ଅଧିକ ଲାଇମଲାଇଟ ସାଉଣ୍ଟିଛି। ପୂର୍ବରୁ ମଧ୍ୟ ସୁୟାସ ନିଜର ଲମ୍ବା କେଶ ଏବଂ ଘାତକ ବୋଲିଂ ପାଇଁ ଫେମସ ଥିଲେ, କିନ୍ତୁ ଗିଲ୍ଙ୍କୁ ଆଉଟ୍ କରିବା ପରେ ଏହି ସ୍ପେଶାଲ ସେଲିବ୍ରେସନ ତାଙ୍କୁ ଏବେ ସୁପରଷ୍ଟାର ବନାଇ ଦେଇଛି।
କ୍ରିକେଟ ପଣ୍ଡିତଙ୍କ କହିବା କଥା, ଏହା କେବଳ ଏକ ସେଲିବ୍ରେସନ ନୁହେଁ, ବରଂ ଜଣେ ଯୁବ ଖେଳାଳିର ଆତ୍ମବିଶ୍ୱାସ। ସୁୟାସଙ୍କ ଏହି ‘ବୋ-ଡାଉନ୍’ ଷ୍ଟେପକୁ ଦେଖି ଷ୍ଟାଡିୟମରେ ଥିବା କେକେଆର ମାଲିକ ଶାହରୁଖ ଖାନ ମଧ୍ୟ ଖୁସି ହୋଇଯାଇଥିଲେ। ବର୍ତ୍ତମାନ ସବୁଠି ଗୋଟିଏ ପ୍ରଶ୍ନ, ସୁୟାସଙ୍କ ଏହି ମ୍ୟାଜିକ ଆଗକୁ ଆଉ କେତେ ଜଣ ବଡ଼ ବ୍ୟାଟରଙ୍କୁ କ୍ଲିନ୍ ବୋଲ୍ଡ କରିବ?
