ମୁମ୍ବାଇ: 2026 ମସିହାର ଆରମ୍ଭ କୌଣସି ବାଣ ଫୁଟାର ଶବ୍ଦରେ ନୁହେଁ, ବରଂ ବକ୍ସ ଅଫିସର ଗର୍ଜନରେ ହୋଇଛି। ହଲ୍ ବାହାରେ ଲମ୍ବା ଲାଇନ୍ ଆଉ ଭିତରେ ସିଟିର ଶବ୍ଦ। ରଣବୀର ସିଂହଙ୍କ ‘ଧୁରନ୍ଧର’ ଏବେ କେବଳ ଏକ ସିନେମା ହୋଇ ରହିନାହିଁ, ବରଂ ଇଣ୍ଡିଆନ୍ ସିନେମା ଇତିହାସରେ ଏକ ନୂଆ ଅଧ୍ୟାୟ ଯୋଡ଼ି ଦେଇଛି। ରିଲିଜ୍ର ମାତ୍ର 28 ଦିନ ମଧ୍ୟରେ ସିନେମାଟି ଯେଉଁ କମାଲ୍ କରିଛି, ତାହା ଦେଖି ବଲିଉଡର ବଡ଼ ବଡ଼ ପ୍ରଯୋଜକଙ୍କ ଆଖି ଖୋସି ହୋଇଯାଇଛି।
ସଦ୍ୟ ରିପୋର୍ଟ ଅନୁସାରେ, ‘ଧୁରନ୍ଧର’ର ୱାର୍ଲ୍ଡୱାଇଡ୍ କଲେକ୍ସନ୍ (Worldwide Collection) ଏବେ 1,118 ରୁ 1,143 କୋଟି ଟଙ୍କା ପାଖାପାଖି ପହଞ୍ଚି ଯାଇଛି। ଏହା ସହିତ ସିନେମାଟି ‘ଅଲ୍ ଟାଇମ୍ ବ୍ଲକବଷ୍ଟର’ (All-Time Blockbuster) ତାଲିକାରେ ସାମିଲ ହୋଇଛି। କେବଳ ଭାରତରେ ଏହାର ଗ୍ରସ୍ କଲେକ୍ସନ୍ 870 ରୁ 905 କୋଟି ଟଙ୍କା ରହିଥିବା ବେଳେ, ବିଦେଶ ମାଟିରେ ବା ଓଭରସିଜ୍ ମାର୍କେଟରେ ଏହା 248 କୋଟି ଟଙ୍କା ରୋଜଗାର କରିସାରିଲାଣି।
ସବୁଠାରୁ ଆଶ୍ଚର୍ଯ୍ୟର କଥା ହେଲା, ସିନେମାଟିର ରନ୍ ଟାଇମ୍ 3 ଘଣ୍ଟାରୁ ଅଧିକ ଏବଂ ଏହାକୁ ‘Adult’ ସାର୍ଟିଫିକେଟ୍ ମିଳିଛି। ତଥାପି ଦର୍ଶକଙ୍କ ଭିଡ଼ କମିବାର ନାଁ ନେଉନି। ଜାନୁଆରୀ 1 ତାରିଖ, ଅର୍ଥାତ୍ ନୂଆ ବର୍ଷ ଦିନ ମଧ୍ୟ ଫିଲ୍ମଟି ଇଣ୍ଡିଆରେ ପ୍ରାୟ 14 କୋଟି ଟଙ୍କାର ନେଟ୍ ବିଜନେସ୍ କରିଛି। ଖ୍ରୀଷ୍ଟମାସ ଏବଂ ନୂଆ ବର୍ଷର ଛୁଟି ‘ଧୁରନ୍ଧର’ ପାଇଁ ବରଦାନ ସାବ୍ୟସ୍ତ ହୋଇଛି।
US, UK ଏବଂ ଅଷ୍ଟ୍ରେଲିଆ ଭଳି ଦେଶରେ ମଧ୍ୟ ରଣବୀରଙ୍କ କ୍ରେଜ୍ ଦେଖିବାକୁ ମିଳୁଛି। 28 ତମ ଦିନରେ ବି ଟିକେଟ୍ କାଉଣ୍ଟରରେ ଏଭଳି ଦବଦବା ପ୍ରମାଣ କରୁଛି ଯେ ଦର୍ଶକ ଭଲ କଣ୍ଟେଣ୍ଟ ପାଇଁ ପକେଟ୍ ଖାଲି କରିବାକୁ ସବୁବେଳେ ପ୍ରସ୍ତୁତ।
