ମୁମ୍ବାଇ: ଚାରିଆଡେ ବାଜା ବଜନ୍ତ୍ରୀର ଶବ୍ଦ। ଫ୍ୟାନ୍ସଙ୍କ ମନରେ ପ୍ରବଳ ଉତ୍ସାହ। ଦକ୍ଷିଣ ଭାରତର ଦୁଇ ସୁପରଷ୍ଟାର ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଦାନାଙ୍କ ବାହାଘରକୁ ନେଇ ଏବେ ସବୁଠି ଚର୍ଚ୍ଚା। କିନ୍ତୁ ଏହି ରୟାଲ ୱେଡିଂରେ ସବୁଠୁ ବଡ଼ ସରପ୍ରାଇଜ୍ ଥିଲା ରଶ୍ମିକାଙ୍କ ‘ବ୍ରାଇଡାଲ ଲୁକ୍’। ଜଣେ ସେଲିବ୍ରିଟି କନ୍ୟା ସାଜିବା ପାଇଁ ସାଧାରଣତଃ ଘଣ୍ଟା ଘଣ୍ଟା ସମୟ ଲାଗୁଥିବା ବେଳେ, ରଶ୍ମିକା ମାତ୍ର 40 ମିନିଟ୍ ଭିତରେ ରେଡି ହୋଇ ସମସ୍ତଙ୍କୁ ଚକିତ କରିଦେଇଛନ୍ତି।
ମେକଅପ୍ ଟିମ୍କୁ ମିଳିଥିଲା ଚ୍ୟାଲେଞ୍ଜ ସାଧାରଣତଃ ବଡ଼ ବଡ଼ ହିରୋଇନ୍ମାନେ ବାହାଘର ଦିନ ପରଫେକ୍ଟ ଦେଖାଯିବା ପାଇଁ 5 ରୁ 6 ଘଣ୍ଟା ପୂର୍ବରୁ ମେକଅପ୍ ଚେୟାରରେ ବସିଯାଆନ୍ତି। ହେଲେ ‘ନ୍ୟାସନାଲ କ୍ରସ୍’ ରଶ୍ମିକାଙ୍କ ପ୍ଲାନ୍ ଥିଲା ପୁରା ଅଲଗା। ସେ ତାଙ୍କ ମେକଅପ୍ ଟିମ୍କୁ ସଫା ସଫା କହିଦେଇଥିଲେ ଯେ, ତାଙ୍କ ପାଖରେ ମାତ୍ର 40 ମିନିଟ୍ ସମୟ ଅଛି। ଏତେ କମ୍ ସମୟ ଭିତରେ ଜଣେ ଟପ୍ ହିରୋଇନ୍ଙ୍କୁ ୱେଡିଂ ଲୁକ୍ ଦେବା ମେକଅପ୍ ଆର୍ଟିଷ୍ଟଙ୍କ ପାଇଁ କୌଣସି ବଡ଼ ଚ୍ୟାଲେଞ୍ଜଠାରୁ କମ୍ ନଥିଲା।
କାହିଁକି ଏତେ ତରତର ହେଲେ ରଶ୍ମିକା? ମେକଅପ୍ ଟିମ୍ର ସଦସ୍ୟମାନେ ଏହି ରହସ୍ୟ ଉପରୁ ପରଦା ହଟାଇଛନ୍ତି। ରଶ୍ମିକା ଚାହୁଁନଥିଲେ କି ମେକଅପ୍ ଚେୟାରରେ ବସି ସେ ତାଙ୍କ ଜୀବନର ସବୁଠୁ ସ୍ପେଶାଲ ଦିନକୁ ବର୍ବାଦ କରନ୍ତୁ। ବାହାଘରର ପ୍ରତିଟି ମୁହୂର୍ତ୍ତ, ପରିବାରର ହସଖୁସି ଏବଂ ବିଜୟଙ୍କ ସହ ବିତାଇବାକୁ ଥିବା ସମୟକୁ ସେ ମନଭରି ଉପଭୋଗ କରିବାକୁ ଚାହୁଁଥିଲେ। ସେଥିପାଇଁ ସେ ହେଭି ମେକଅପ୍ ବଦଳରେ ଖୁବ୍ ସିମ୍ପଲ୍ ଏବଂ ନାଚୁରାଲ୍ ଲୁକ୍କୁ ପସନ୍ଦ କରିଥିଲେ।
ସୋସିଆଲ ମିଡିଆରେ ଭାଇରାଲ୍ ମାତ୍ର 40 ମିନିଟରେ ପ୍ରସ୍ତୁତ ହୋଇଥିବା ରଶ୍ମିକାଙ୍କ ଏହି ଗ୍ଲୋଇଂ ଲୁକ୍ ଏବେ ଇଣ୍ଟରନେଟରେ ନିଆଁ ଲଗାଇଛି। ଫ୍ୟାନ୍ସମାନେ ତାଙ୍କର ଏହି ନିଷ୍ପତ୍ତିକୁ ଖୁବ୍ ପ୍ରଶଂସା କରୁଛନ୍ତି। କେହି କେହି କହୁଛନ୍ତି, “ସୁନ୍ଦର ଦେଖାଯିବା ପାଇଁ ଘଣ୍ଟା ଘଣ୍ଟା ମେକଅପ୍ ନୁହେଁ, ବରଂ ମୁହଁରେ ଖୁସି ରହିବା ଦରକାର।” ବିଜୟ ଏବଂ ରଶ୍ମିକାଙ୍କ ଏହି ଡ୍ରିମ୍ ୱେଡିଂର ଫଟୋ ଏବେ ସବୁଠି ଟ୍ରେଣ୍ଡ କରୁଛି।
