ମୁମ୍ବାଇ: ବଲିଉଡରେ ପୁଣି ଥରେ କମ୍ପିବ ସିନେମା ହଲ୍। ଗୋଟେ ପଟେ ‘ଢାଇ କିଲୋ କା ହାଥ୍’ର ପାୱାର ତ ଅନ୍ୟପଟେ ‘ସିରିଏଲ୍ କିସର୍’ଙ୍କ ଜବରଦସ୍ତ କମ୍ବ୍ୟାକ୍। 2025 ଗଣତନ୍ତ୍ର ଦିବସରେ ବଡ଼ ପରଦାରେ ଦେଖିବାକୁ ମିଳିବ ଏକ ହାଇ-ଭୋଲଟେଜ୍ ଡ୍ରାମା। ବକ୍ସ ଅଫିସରେ ମୁହାଁମୁହିଁ ହେବାକୁ ଯାଉଛନ୍ତି ଦୁଇ ସୁପରଷ୍ଟାର ସନ୍ନି ଦେଓଲ ଏବଂ ଇମ୍ରାନ ହାସମୀ।
ସନ୍ନିଙ୍କ ମୋଷ୍ଟ ଆୱେଟେଡ୍ ଫିଲ୍ମ ‘ଲାହୋର 1947’ ସହିତ ଟକ୍କର ଦେବ ଇମ୍ରାନଙ୍କ ସୁପରହିଟ୍ ଫିଲ୍ମର ସିକୁଇଲ୍ ‘ଆୱାରାପନ୍ 2’। ଦୁଇଟି ଯାକ ବଡ଼ ବଜେଟର ଫିଲ୍ମ 26 ଜାନୁଆରୀରେ ରିଲିଜ୍ ହେବାକୁ ଯାଉଥିବାରୁ ଏବେଠାରୁ ବଜାର ଗରମ ହେଲାଣି।
‘ଗଦର 2’ର ସୁପର ସଫଳତା ପରେ ସନ୍ନି ଏବେ ଫୁଲ୍ ଫର୍ମରେ ଅଛନ୍ତି। ତାଙ୍କର ଏହି ନୂଆ ଫିଲ୍ମକୁ ରାଜକୁମାର ସନ୍ତୋଷୀ ଡାଇରେକ୍ଟ କରୁଥିବା ବେଳେ ମିଷ୍ଟର ପରଫେକ୍ସନିଷ୍ଟ ଆମିର ଖାନ୍ ଏହାର ପ୍ରଡ୍ୟୁସର ଅଛନ୍ତି। ପୁଣି ଥରେ ସନ୍ନିଙ୍କ ଦେଶପ୍ରେମ ଆଉ ଆକ୍ସନର ଜଲୱା ଦେଖିବାକୁ ଫ୍ୟାନ୍ସମାନେ ଚାହିଁ ରହିଛନ୍ତି।
କିନ୍ତୁ ଏହି ରାସ୍ତାରେ କଣ୍ଟା ସାଜିଛନ୍ତି ଇମ୍ରାନ ହାସମୀ। ପ୍ରାୟ 18 ବର୍ଷ ପରେ ନିଜର ସବୁଠାରୁ ଆଇକନିକ ଚରିତ୍ର ‘ଶିବମ୍’କୁ ନେଇ ଫେରୁଛନ୍ତି ଇମ୍ରାନ। ମୁକେଶ ଭଟ୍ଟଙ୍କ ପ୍ରଡକ୍ସନରେ ତିଆରି ହେଉଥିବା ‘ଆୱାରାପନ୍ 2’କୁ ନେଇ ଯୁବପିଢ଼ିଙ୍କ ମଧ୍ୟରେ ଜବରଦସ୍ତ କ୍ରେଜ୍ ଦେଖିବାକୁ ମିଳିଛି। ପୁରୁଣା ଫିଲ୍ମର ସେହି ଦର୍ଦଭରା ଗୀତ ଆଉ ଇମ୍ରାନଙ୍କ ସ୍ଵାଗ୍ ପୁଣି ଥରେ ମ୍ୟାଜିକ୍ କରିବ ବୋଲି ଆଶା କରାଯାଉଛି।
ଏହି ‘ବିଗ୍ କ୍ଲାସ’କୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି। ଗୋଟେ ପଟେ ସନ୍ନିଙ୍କ ମାସି ଆପିଲ୍ ତ ଅନ୍ୟପଟେ ଇମ୍ରାନଙ୍କ ଇମୋସନାଲ ଫ୍ୟାନ୍ ବେସ୍। କିଏ କାହାକୁ ମାତ୍ ଦେବ ଆଉ କାହାର ଚମକ ରହିବ, ତାହା ତ ରିଲିଜ୍ ପରେ ଜଣାପଡ଼ିବ। ହେଲେ ଏହି ଟକ୍କର ଯେ ବଲିଉଡରେ ନୂଆ ରେକର୍ଡ କରିବ, ସେଥିରେ ସନ୍ଦେହ ନାହିଁ।
