ବଲାଙ୍ଗୀର: ଆକାଶରୁ ନିଆଁ ବର୍ଷୁଛି। ଗରମରେ ସିଝୁଛି ପୂରା ପଶ୍ଚିମ ଓଡ଼ିଶା। ମଣିଷ ତ କେମିତି ନା କେମିତି ଶୋଷ ମେଣ୍ଟାଇ ଦେଉଛି, ହେଲେ ଜଙ୍ଗଲ ଭିତରେ ଥିବା ପଶୁପକ୍ଷୀଙ୍କ ଅବସ୍ଥା ଏବେ ଶୋଚନୀୟ। ଜଙ୍ଗଲ ଭିତରେ ଥିବା ନାଳ ଓ ପୋଖରୀ ସବୁ ଶୁଖି ଆଁ କଲାଣି। ପାଣି ଟୋପାଏ ପାଇଁ ବନ୍ୟଜନ୍ତୁ ଏବେ ଜଙ୍ଗଲ ଛାଡ଼ି ଗାଁ ମୁହାଁ ହେଉଛନ୍ତି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଭୟ ଓ ଚିନ୍ତା ବଢ଼ିବାରେ ଲାଗିଛି।
ବଲାଙ୍ଗୀର ଜିଲ୍ଲାର ଦେଓଗାଁ ଓ ସଇଁତଳା ରେଞ୍ଜ (Range) ଅଞ୍ଚଳରୁ ଆସିଛି ଏମିତି କିଛି ଖବର। ସ୍ପଟ୍ (Spot) ରିପୋର୍ଟ ଅନୁସାରେ, ଏହି ଅଞ୍ଚଳର ଜଙ୍ଗଲ ଗୁଡ଼ିକରେ ଥିବା ନାଚୁରାଲ ୱାଟର ବଡି (Natural Water Body) ସବୁ ସମ୍ପୂର୍ଣ୍ଣ ଶୁଖି ଯାଇଛି। ଫଳରେ ହରିଣ, କୁଟୁରା, ବାରାହା ଓ ମାଙ୍କଡ଼ମାନେ ଶୋଷ ମେଣ୍ଟାଇବାକୁ ଲୋକାଳୟ ଆଡ଼କୁ ପଳାଇ ଆସୁଛନ୍ତି।
ଗାଁ ମୁହାଁ ହେବା ବନ୍ୟଜନ୍ତୁଙ୍କ ପାଇଁ କାଳ ସାଜୁଛି। ଜଙ୍ଗଲରୁ ବାହାରିବା ମାତ୍ରେ ଏମାନେ ବିଲୁଆ କିମ୍ବା ବୁଲା କୁକୁରଙ୍କ ଆଟାକ୍ (Attack) ର ଶିକାର ହେଉଛନ୍ତି। ଏତିକି ନୁହେଁ, ରୋଡ୍ କ୍ରସ୍ (Road Cross) କଲା ବେଳେ ସ୍ପିଡ୍ରେ ଆସୁଥିବା ଗାଡ଼ି ସହ ଆକ୍ସିଡେଣ୍ଟ (Accident) ଘଟି ଅନେକ ବନ୍ୟଜନ୍ତୁଙ୍କ ଜୀବନ ମଧ୍ୟ ଯାଉଛି।
ସବୁଠୁ ବଡ଼ ପ୍ରଶ୍ନ ଉଠୁଛି ଫରେଷ୍ଟ ଡିପାର୍ଟମେଣ୍ଟ (Forest Department) ର କାମକୁ ନେଇ। ଅଭିଯୋଗ ହେଉଛି ଯେ, ଜଙ୍ଗଲ ଭିତରେ ପଶୁଙ୍କ ପାଇଁ କୃତ୍ରିମ ଜଳାଶୟ ଓ ସୋଲାର ୱାଟର ପମ୍ପ (Solar Water Pump) ବ୍ୟବସ୍ଥା କରାଯାଇଥିଲେ ମଧ୍ୟ ସେଥିରୁ ଅଧିକାଂଶ ଅଚଳ ହୋଇ ପଡ଼ିଛି। ମେଣ୍ଟେନାନ୍ସ ଅଭାବରୁ ଟ୍ୟାଙ୍କ ସବୁ ଖାଲି ପଡ଼ିଛି।
ସ୍ଥାନୀୟ ଲୋକଙ୍କ କହିବା କଥା, ଯଦି ଡିପାର୍ଟମେଣ୍ଟ ତୁରନ୍ତ ଟ୍ୟାଙ୍କର ଯୋଗେ ଜଙ୍ଗଲ ଭିତରେ ପାଣି ଭର୍ତ୍ତି ନକରେ, ତେବେ ଆଗକୁ ମଣିଷ ଓ ବନ୍ୟଜନ୍ତୁଙ୍କ ମଧ୍ୟରେ ଲଢ଼େଇ ଆହୁରି ବଢ଼ିବ। ଏବେ ଦେଖିବାକୁ ବାକି ରହିଲା, ଏହି ଶୋଷିଲା ଜୀବଙ୍କ ପାଇଁ ପ୍ରଶାସନ କେବେ ଆକ୍ସନ (Action) ନେଉଛି।
