ନୂଆଦିଲ୍ଲୀ: ବିଶ୍ୱର ଦୁଇ ପାୱାରଫୁଲ୍ ଲିଡର। ଜଣେ ଭାରତର ଭାଗ୍ୟବିଧାତା ତ ଆଉ ଜଣେ ଆମେରିକାର ନୂଆ ବସ୍। ପୁଣି ଥରେ ଦୁନିଆ ଦେଖିଛି ସେହି ପୁରୁଣା ଦୋସ୍ତିର ଜବରଦସ୍ତ ଝଲକ। ଆମେରିକା ଇଲେକ୍ସନରେ ଡୋନାଲ୍ଡ ଟ୍ରମ୍ପଙ୍କ ଗ୍ରାଣ୍ଡ ଭିକ୍ଟ୍ରି ପରେ ଏବେ ସବୁଠି ତାଙ୍କରି ଚର୍ଚ୍ଚା। ଏହି ଖୁସିର ମାହୋଲ ଭିତରେ ଟ୍ରମ୍ପଙ୍କ ପାଖକୁ ଯାଇଛି ପିଏମ ମୋଦୀଙ୍କ ଫୋନ୍ କଲ୍।
ଖାଲି ହାଏ-ହେଲୋ ନୁହେଁ, ପୂରା 40 ମିନିଟ୍ ଯାଏ ଚାଲିଲା ଦୁଇ ନେତାଙ୍କ ମଧ୍ୟରେ କଥାବାର୍ତ୍ତା। ଏହି ଲମ୍ବା ଗପରୁ ଗୋଟିଏ କଥା ସ୍ପଷ୍ଟ ହୋଇଛି ଯେ, ମୋଦୀ ଏବଂ ଟ୍ରମ୍ପଙ୍କ ମଧ୍ୟରେ ଥିବା ପର୍ସନାଲ ବଣ୍ଡିଂ ଆଗ ଅପେକ୍ଷା ଆହୁରି ଷ୍ଟ୍ରଙ୍ଗ ହୋଇଛି। ଟ୍ରମ୍ପଙ୍କୁ କଙ୍ଗ୍ରାଚୁଲେସନ ଜଣାଇବା ସହ ଆଗାମୀ ଦିନରେ ମିଳିମିଶି କାମ କରିବାକୁ ଦୁହେଁ ରାଜି ହୋଇଛନ୍ତି।
କଥାବାର୍ତ୍ତା ବେଳେ ଟ୍ରମ୍ପ ମଧ୍ୟ ମୋଦୀଙ୍କୁ ପ୍ରଶଂସାରେ ପୋତି ପକାଇଛନ୍ତି। ସେ ମୋଦୀଙ୍କୁ ଜଣେ ‘ମ୍ୟାଗନିଫିସେଣ୍ଟ ଲିଡର୍’ ବୋଲି କହିବା ସହ ଭାରତକୁ ଏକ ‘ସଚ୍ଚା ବନ୍ଧୁ’ ବୋଲି କହିଛନ୍ତି। ପୂରା ଦୁନିଆ ଯେତେବେଳେ ଟ୍ରମ୍ପଙ୍କ ଆଗାମୀ ପ୍ଲାନ୍ କ’ଣ ହେବ ସେ ନେଇ ଟେନସନରେ ଅଛି, ସେତେବେଳେ ଭାରତ ସହ ତାଙ୍କର ଏହି ନିବିଡ଼ ସମ୍ପର୍କ ସମସ୍ତଙ୍କ ନଜର ଟାଣିଛି।
ଏହି ଡିସକସନରେ କେବଳ ଦୁଇ ଦେଶର ସମ୍ପର୍କ ନୁହେଁ, ବରଂ ଗ୍ଲୋବାଲ ପିସ୍ ବା ବିଶ୍ୱ ଶାନ୍ତି ଉପରେ ମଧ୍ୟ ଗୁରୁତ୍ୱ ଦିଆଯାଇଛି। ଡିଫେନ୍ସଠୁ ଆରମ୍ଭ କରି ଟେକ୍ନୋଲୋଜି ଯାଏଁ ସବୁ ସେକ୍ଟରରେ ଭାରତ ଓ ଆମେରିକା ପାର୍ଟନରଶିପ୍ ଆଗକୁ ବଢ଼ିବ ବୋଲି ଆଶା କରାଯାଉଛି। ମୋଦୀଙ୍କ ଏହି ମାଷ୍ଟରଷ୍ଟ୍ରୋକ ପରେ ଏବେ ଇଣ୍ଡୋ-ୟୁଏସ ରିଲେସନ ଆଉ ଏକ ନୂଆ ମୋଡ଼ ନେବାକୁ ଯାଉଛି।
