ଇମ୍ଫାଲ: ଥମୁନି ମଣିପୁର ନିଆଁ। ଯେଉଁଠି ଦିନେ ହସଖୁସିର ମାହୋଲ ଥିଲା, ସେଠି ଏବେ ଖାଲି କାନ୍ଦବୋବାଳି ଆଉ ଆତଙ୍କ। ଶାନ୍ତି ଫେରିବା ବଦଳରେ ପରିସ୍ଥିତି ଏବେ ଅଣାୟତ୍ତ ହେବାରେ ଲାଗିଛି। କେତେବେଳେ କେଉଁଆଡୁ ମୃତ୍ୟୁ ମାଡ଼ି ଆସୁଛି, କେହି କହିପାରୁନାହାନ୍ତି। ଡ୍ରୋନ୍ ପରେ ଏବେ ରକେଟ୍ ଆଟାକ୍ ଲୋକଙ୍କ ନିଦ ହଜାଇ ଦେଇଛି।
ଶନିବାର ମଣିପୁରରେ ପୁଣି ଏକ ଭୟଙ୍କର ଘଟଣା ଘଟିଛି। ସନ୍ଦିଗ୍ଧ ରକେଟ୍ ଆଟାକ୍ରେ 2 ଜଣ ନିଷ୍ପାପ ଶିଶୁଙ୍କ ଜୀବନ ଯାଇଛି। ସୂଚନା ମୁତାବକ, ହିଂସାଜର୍ଜରିତ ଏହି ରାଜ୍ୟରେ ଉତ୍ତେଜନା କମିବା ବଦଳରେ ବଢ଼ିବାରେ ଲାଗିଛି। ରକେଟ୍ ମାଡ଼ ହେବା ମାତ୍ରେ ପୁରା ଏରିଆ ଥରି ଉଠିଥିଲା। ଲୋକେ କିଛି ବୁଝିବା ଆଗରୁ ଚାରିଆଡ଼େ ଧୂଆଁ ଆଉ ରକ୍ତର ସୁଅ ଛୁଟିଥିଲା।
ଘଟଣା ପରେ ପୁରା ରାଜ୍ୟରେ ହାଇ ଆଲର୍ଟ ଜାରି କରାଯାଇଛି। ପୁଲିସ୍ ଓ ସିକ୍ୟୁରିଟି ଫୋର୍ସ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେସନ ଜୋରଦାର କରିଛନ୍ତି। ସ୍ପଟ୍ରେ ଥିବା ପ୍ରତ୍ୟକ୍ଷଦର୍ଶୀଙ୍କ କହିବା କଥା, ଆକାଶରୁ ହଠାତ୍ କିଛି ଗୋଟେ ପଡ଼ିଲା ଆଉ ଜୋରରେ ଶବ୍ଦ ହେଲା। ଏହି ଆଟାକ୍ ଏତେ ଭୟଙ୍କର ଥିଲା ଯେ ପାଖରେ ଥିବା ଘରଗୁଡ଼ିକ ମଧ୍ୟ କ୍ଷତିଗ୍ରସ୍ତ ହୋଇଛି।
ଗତ କିଛି ଦିନ ହେବ ମଣିପୁରରେ ଟେନସନ ପିକ୍ରେ ରହିଛି। ବିଦ୍ରୋହୀମାନେ ଏବେ ଆଧୁନିକ ଟେକ୍ନୋଲୋଜି ବ୍ୟବହାର କରି ଆକ୍ରମଣ କରୁଥିବାରୁ ସୁରକ୍ଷା ବାହିନୀ ପାଇଁ ଏହା ଏକ ବଡ଼ ଚ୍ୟାଲେଞ୍ଜ ପାଲଟିଛି। 2 ଜଣ ଶିଶୁଙ୍କ ମୃତ୍ୟୁ ପରେ ସ୍ଥାନୀୟ ଲୋକଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖାଦେଇଛି। ସରକାର ଓ ପ୍ରଶାସନ ପରିସ୍ଥିତିକୁ କଣ୍ଟ୍ରୋଲ କରିବାକୁ ଚେଷ୍ଟା କରୁଥିଲେ ମଧ୍ୟ ହିଂସା ଥମିବାର ନାଁ ନେଉନି। ରାଜ୍ୟର ବିଭିନ୍ନ ସେନ୍ସିଟିଭ୍ ଜୋନ୍ରେ ଏବେ ଫୋର୍ସ ମୁତୟନ କରାଯାଇଛି।
