ସାରା ଦୁନିଆର ନଜର ଏବେ ଭାରତ ଉପରେ। ଚାରିଆଡ଼େ ଗୋଟିଏ ଚର୍ଚ୍ଚା, ଭାରତ ହିଁ ହେବ ଆଗାମୀ ଦିନର ଗ୍ଲୋବାଲ ପାୱାର ହାଉସ୍। ଏହି ମାହୋଲ ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱ ସମୁଦାୟକୁ ଏକ ଜବରଦସ୍ତ ମେସେଜ ଦେଇଛନ୍ତି। ଭାରତର ପ୍ରଗତିରେ ସାମିଲ ହେବାକୁ ସେ ଦୁନିଆକୁ ଖୋଲା ଆହ୍ୱାନ କରିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ, ଭାରତ ଏବେ କେବଳ ଏକ ଦେଶ ନୁହେଁ, ବରଂ ଗ୍ଲୋବାଲ ଗ୍ରୋଥ୍ର ସବୁଠୁ ବଡ଼ ଇଞ୍ଜିନ। ବିଶ୍ୱର ବଡ଼ ବଡ଼ ଇନଭେଷ୍ଟରମାନଙ୍କ ପାଇଁ ଭାରତରେ ଏବେ ‘ଗୋଲଡେନ୍ ଟାଇମ୍’ ଚାଲିଛି। ଦେଶରେ ଥିବା ପଲିଟିକାଲ ଷ୍ଟାବିଲିଟି ଆଉ କ୍ରମାଗତ ରିଫର୍ମ ଯୋଗୁଁ ବିଦେଶୀ କମ୍ପାନୀମାନଙ୍କ ପାଇଁ ଭାରତ ସବୁଠୁ ସେଫ୍ ସ୍ପଟ୍ ପାଲଟିଛି।
ମୋଦୀ ସ୍ପଷ୍ଟ କରିଛନ୍ତି ଯେ, 140 କୋଟି ଭାରତୀୟଙ୍କ ଆଶା ଆଉ ଆକାଂକ୍ଷା ହିଁ ଏହି ବିକାଶର ମୂଳଦୁଆ। ଡିଜିଟାଲ ଇଣ୍ଡିଆଠୁ ଆରମ୍ଭ କରି ମ୍ୟାନୁଫ୍ୟାକ୍ଚରିଂ ସେକ୍ଟର ପର୍ଯ୍ୟନ୍ତ, ସବୁଠି ଏବେ ସୁଯୋଗର ପାହାଡ଼। ଏହି ଚାନ୍ସକୁ ହାତଛଡ଼ା ନକରିବାକୁ ସେ ବିଶ୍ୱର ବଡ଼ ବଡ଼ ଶିଳ୍ପପତିଙ୍କୁ ପରାମର୍ଶ ଦେଇଛନ୍ତି।
ଭାରତକୁ ଏକ ‘ଭାଇବ୍ରାଣ୍ଟ ଡେମୋକ୍ରାସି’ ଭାବେ ବର୍ଣ୍ଣନା କରି ସେ କହିଛନ୍ତି, ଆମର ଟାର୍ଗେଟ ହେଉଛି 2047 ସୁଦ୍ଧା ‘ବିକଶିତ ଭାରତ’ ଗଢ଼ିବା। ଏହି ଯାତ୍ରାରେ ସାରା ବିଶ୍ୱ ସାମିଲ ହେଉ। ଭାରତର ବଢୁଥିବା ଶକ୍ତି କେବଳ ନିଜ ପାଇଁ ନୁହେଁ, ବରଂ ସାରା ଦୁନିଆର କଲ୍ୟାଣ ପାଇଁ କାମ କରିବ ବୋଲି ମୋଦୀ ଦୃଢ଼ୋକ୍ତି ପ୍ରକାଶ କରିଛନ୍ତି
